«Галоўнае, чаго нам не хапае — еўрапейскіх гарадоў». Расійскія тураператары расказалі, чаму расіян вабіць заходняя Беларусь
Беларусь лідзіруе ў рэйтынгу самых папулярных кірункаў у расійскіх турыстаў на Новы год, расказаў радыёстанцыі «Говорит Москва» віцэ-прэзідэнт Альянсу турыстычных агенцтваў Расіі Аляксан Мкртчан. Ён адзначыў, што наша краіна лідзіруе ў топе з «велізарным адрывам».
Беларусь цікавая расіянам «тым, што яна знаходзіцца бліжэй за ўсё да Масквы і Пецярбурга з замежжа, можна сесці на аўтамабіль, на цягнік, шмат авіярэйсаў».
«Самае галоўнае, чаго расіянам не хапае — еўрапейскіх гарадоў. Заходняя Беларусь — Ліда, Гродна, уся гэтая чарада замкаў польска-літоўскай шляхты XVI—XVIII стагоддзяў, знакамітыя замкі ў Нясвіжы — усё гэта Беларусь можа расіянам даць», — адзначыў Мкртчан.
За Беларуссю ў рэйтынгу расійскіх упадабанняў знаходзяцца Грузія, Арменія, Казахстан і Узбекістан, што тлумачыцца адсутнасцю моўнага бар'ера. А сярод іншых напрамкаў вылучаюцца ААЭ, Тайланд і Турцыя. Раней Турцыю заўсёды апярэджваў Егіпет, але сёлета ён саступіў свае пазіцыі з-за канфлікту ў сектары Газа.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
вось. самі прызнаюцца.
а яшчэ ім не хапае еўрапейскага гістарычнага складніка. таму - 'Полоцк - исконно наш. да и ВКЛ - это же княжество прежде всего русское' - гучыць ад іхных тыпу гісторыкаў. і яшчэ маскавітам не хапае славянскага складніка, каб сцвярджаць сваю 'истинно славянскость'. таму так упарта і нахабна лезуць увесь час ва Украіну і ў Беларусь. я ім кажу - слухайце, ну.. калі вы знічтожыце тут усё беларускае, выцесніце (ці заб'еце) беларусаў, а самі панаедзеце сюды, дык тут жа будзе та жа Разань