26-hadovuju Darju Trepavu, jakaja ŭzarvała vajenkara Tatarskaha, asudzili na 27 hadoŭ kałonii
Siońnia ŭ Sankt-Pieciarburhu vynieśli prysud Darji Trepavaj, jakaja pieradała statuetku z vybuchoŭkaj vajenkaru Uładlena Tatarskamu, u vyniku čaho toj zahinuŭ.
Na minułym tydni Darja Trepava vystupiła ŭ sudzie z apošnim słovam. Jana skazała, što škaduje pra toje, što adbyłosia, i vybačyłasia pierad paciarpiełymi, jakija «pieražyli bol i žach» u kafe paśla vybuchu bomby.
«Mnie chočacca padtrymać vas zaraz u tym, praz što vy prachodzicie. Adzin siabar skazaŭ mnie, što Boh zaŭsiody padtrymlivaje nas na našym šlachu i idzie pobač z nami. I nam treba pasprabavać zachavać siabie», — skazała Trepava, źviartajučysia da adnoj z paciarpiełych.
Kamientujučy abvinavačańnie, dziaŭčyna skazała, što jana davieryłasia žurnalistu Ramanu Papkovu, i kali b u spravie zachavałasia pierapiska z arhanizatarami, to jaje sudzili b zaraz «za što zaŭhodna, ale nie za terakt»: «Mianie faktyčna pasłali z bombaj na śmierć».
Trepava adznačyła, što z samaha pačatku supracoŭničała sa śledstvam i raskazała ŭsio, što viedaje. Vinu jana nie pryznała i prasiła sud adpravić spravu na daśledavańnie, a taksama źniać abvinavačańnie pa artykułach ab terakcie i zachoŭvańni zbroi.
Prakuratura zapytała 28 hadoŭ kałonii dla Trepavaj, a taksama adzin hod i 10 miesiacaŭ — dla Dźmitryja Kasincava, u kvatery jakoha jana znachodziłasia paśla vybuchu.
***
Vybuch u kaviarni Pieciarburha, u vyniku jakoha zahinuŭ Tatarski, adbyŭsia 2 krasavika. Pa viersii śledstva, Trepava pryniesła na sustreču z Tatarskim statuetku, jakaja ŭzarvałasia, zabiŭšy «vajenkara» i paraniŭšy 52 čałavieki.
Paśla hetaha jana, jak śćviardžaje śledstva, pasprabavała schavacca ŭ kvatery ŭ Kasincava.
Pa słovach samoj Trepavaj, jana nie viedała, što ŭ statuetcy znachodzicca vybuchoŭka. Na adnym z pasiadžeńniaŭ jana kazała, što zadańnie paznajomicca z Tatarskim dali joj Papkoŭ, jaki pražyvaje va Ukrainie, i čałaviek ź psieŭdanimam Hieštalt.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała11
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary