26-гадовую Дар'ю Трэпаву, якая ўзарвала ваенкара Татарскага, асудзілі на 27 гадоў калоніі
Сёння ў Санкт-Пецярбургу вынеслі прысуд Дар'і Трэпавай, якая перадала статуэтку з выбухоўкай ваенкару Уладлена Татарскаму, у выніку чаго той загінуў.
На мінулым тыдні Дар'я Трэпава выступіла ў судзе з апошнім словам. Яна сказала, што шкадуе пра тое, што адбылося, і выбачылася перад пацярпелымі, якія «перажылі боль і жах» у кафэ пасля выбуху бомбы.
«Мне хочацца падтрымаць вас зараз у тым, праз што вы праходзіце. Адзін сябар сказаў мне, што Бог заўсёды падтрымлівае нас на нашым шляху і ідзе побач з намі. І нам трэба паспрабаваць захаваць сябе», — сказала Трэпава, звяртаючыся да адной з пацярпелых.
Каментуючы абвінавачанне, дзяўчына сказала, што яна даверылася журналісту Раману Папкову, і калі б у справе захавалася перапіска з арганізатарамі, то яе судзілі б зараз «за што заўгодна, але не за тэракт»: «Мяне фактычна паслалі з бомбай на смерць».
Трэпава адзначыла, што з самага пачатку супрацоўнічала са следствам і расказала ўсё, што ведае. Віну яна не прызнала і прасіла суд адправіць справу на даследаванне, а таксама зняць абвінавачанне па артыкулах аб тэракце і захоўванні зброі.
Пракуратура запытала 28 гадоў калоніі для Трэпавай, а таксама адзін год і 10 месяцаў — для Дзмітрыя Касінцава, у кватэры якога яна знаходзілася пасля выбуху.
***
Выбух у кавярні Пецярбурга, у выніку якога загінуў Татарскі, адбыўся 2 красавіка. Па версіі следства, Трэпава прынесла на сустрэчу з Татарскім статуэтку, якая ўзарвалася, забіўшы «ваенкара» і параніўшы 52 чалавекі.
Пасля гэтага яна, як сцвярджае следства, паспрабавала схавацца ў кватэры ў Касінцава.
Па словах самой Трэпавай, яна не ведала, што ў статуэтцы знаходзіцца выбухоўка. На адным з пасяджэнняў яна казала, што заданне пазнаёміцца з Татарскім далі ёй Папкоў, які пражывае ва Украіне, і чалавек з псеўданімам Гештальт.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары