Biestsieler «Ludzi Pucina» pra toje, jak Pucin z atačeńniem zachapili ŭładu ŭ Rasiei, vykłali ŭ adkryty dostup
Knihu «Ludzi Pucina. Jak KDB viarnuŭsia ŭ Rasieju, a zatym rušyŭ na zachad» Ketryn Biełtan apublikavali na ruskaj movie biaspłatna.
«Usim užo dobra viadoma ab žorstkaści pucinskaha režymu ŭ dačynieńni da ŭłasnych hramadzian. Ale ŭ honar Navalnaha i ŭsich tych, jakija pryjšli raźvitvacca ź im, my zrabili dostup da rasiejskaha pierakładu knihi «Ludzi Pucina» biaspłatnym. Kraina pavinna viedać svaich hierojaŭ», — napisała Biełtan u tvitary.
Paplečnik Alaksieja Navalnaha Leanid Vołkaŭ nazvaŭ knihu «samym važnym i fundamientalnym daśledavańniem taho, jak KDBšnaja elita pieražyła raspad SSSR, zrasłasia z mafijaj i znoŭ zachapiła krainu».
Ketryn Biełtan z 2007 pa 2013 hady była karespandentam haziety Financial Times u Maskvie. Ciapier jana supracoŭničaje z The Washington Post.
Kniha «Ludzi Pucina» vyjšła ŭ 2020 hodzie i była pryznanaja knihaj hoda pavodle viersii šerahu brytanskich vydańniaŭ — u tym liku The Times, The Economist i Financial Times.
Z-za knihi pazovy da Ketryn Biełtan padavali Michaił Frydman, Piotr Avien, Raman Abramovič, Ališer Usmanaŭ. Jany damahlisia ŭniasieńnia šerahu pravak u knihu.
Spampavać knihu možna tut.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy31
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary