Julija Navalnaja zaklikała dałučycca da akcyi «Apoŭdni suprać Pucina» na rasijskich prezidenckich vybarach
Julija Navalnaja vystupiła ź videazvarotam. Jana padtrymała akcyju «Apoŭdni suprać Pucina», jakuju raniej prapanavaŭ FBK i padtrymaŭ Alaksiej Navalny. U ramkach akcyi treba pryjści na vybarčyja ŭčastki 17 sakavika ŭ 12:00. Tam — albo prahałasavać za luboha kandydata, akramia Pucina, albo sapsavać biuleteń.
«Alaksiej maryŭ pra cudoŭnuju Rasii budučyni. A vy i jość hetaja Rasija. U hetyja dni ja ŭbačyła vielmi šmat ciapła, dabryni i zhurtavanaści, i heta mienavita toje, što adroźnivaje nas ad ludziej, jakija siadziać u Kramli. U ich — kult minułaha, vajna, rakiety i podłyja zabojstva, a ŭ nas — kachańnie, uzajemapadtrymka i viera ŭ budučyniu. Ciapier vy ŭsie viedajecie, što nas, usich tych, chto lubić i padtrymlivaje Alaksieja, chto padzialaje jaho idei, nas na samaj spravie vielmi šmat. I pakul my majem adzin adnaho, ničoha nie skončyłasia. Lepšy sposab nie hublać heta adčuvańnie adzinstva — heta čaściej akazvacca pobač», — kaža Navalnaja.
Dzień vybaraŭ — taksama takaja mahčymaść pabyć pobač. «U hetaj akcyi zaklikaŭ udzielničać Alaksiej, i tamu dla mianie asabista jana tak važnaja. Ja chaču zrabić toje, što jon ličyŭ pravilnym ja zaklikaju ŭsich prychodzić u pamiać pra jaho», — skazała Julija Navalnaja.
U subotu, 2 sakavika, sajt akcyi byŭ zabłakavany na terytoryi Rasii.
Ciapier čytajuć
Biełaruska pracuje ŭ Dubai rusałkaj, kab addać doŭh 20 tysiač dalaraŭ1
Kamientary
Da taho ž samaha zaklikali Žyvahłod, Cichanoŭskaja, Łatuška i inš.