Hihin vytłumačyŭ zajavy Łukašenki ŭ Ašmianach: Biełaruś nie budzie napadać na Polšču. Rasija, mahčyma, taksama nie budzie
Nahavoranaje Łukašenkam učora pad Ašmianami padčas naviedvańnia vajskovych łahieraŭ uziaŭsia aformić u niešta źviaznaje adzin ź viadomych prapahandystaŭ, pakul jašče dyrektar Nacyjanalnaj biblijateki, ale ŭžo amal deputat Pałaty pradstaŭnikoŭ Vadzim Hihin. Prytym u vačach Hihina ŭsio tam pramoŭlenaje nastolki važnaje i pryncypovaje, što ciahnie ni bolš i ni mienš jak na «Ašmianskuju dekłaracyju».
Pavodle interpretacyi Hihina, Łukašenka chacieŭ skazać, što ni Biełaruś, ni, «pavodle našych źviestak», Rasija nie majuć namieraŭ napadu na Polšču ci krainy Bałtyi.
Ale ŭ toj ža čas nie tolki vojska, ale i ŭsie biełaruskija siłavyja struktury hatovyja «dać rašučy adpor lubomu vajennamu ŭvarvańniu na našu terytoryju z boku NATA albo padkantrolnych hetamu ahresiŭnamu błoku struktur». I siły i srodki dla hetaha, maŭlaŭ, jość, a chto suniecca z pravakacyjami — budzie źniščacca.
Vajskova-palityčny sajuz z Rasijaj, pavodle «Ašmianskaj dekłaracyi», «mocny jak nikoli», i heta paćvierdziła reakcyja na niadaŭni terakt u Krasnahorsku pad Maskvoj. A kaśmičny palot biełaruski Maryny Vasileŭskaj «śviedčyć nie tolki pra tryvałaść rasijska-biełaruskaha sajuza, ale i pra naš nastroj na mirnaje i stvaralnaje raźvićcio».
Kolki Łukašenku kaštavała adpravić u kosmas svaju kasmanaŭtku
Łukašenka zajaviŭ, što pieradaść Pucinu źviestki ab «kuratarach» terakta ŭ «Krokusie»
Pamieranski špic Umka zasłuchaŭ, jak biełaruskija hienierały źbirajucca supraćstajać Zachadu FOTA
Łukašenka nastojliva rujnuje pucinskuju teoryju pra ŭkrainski śled u terakcie ŭ «Krokusie»
Łukašenka adkazaŭ Sachaščyku: Poŭnaja duraść
Łukašenka pryjechaŭ ź inśpiekcyjaj vojska pad litoŭskuju miažu
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary
Dzieŭku ŭ kosmas zapuskaŭ,
Miru mir paabiacaŭ,
Terarystaŭ zatrymaŭ!