Reziervovy bank Zimbabve abjaviŭ pra ŭviadzieńnie novaj valuty pad nazvaj ZiG (Zimbabwe Gold — zołata Zimbabve). Jak paviedamlaje vydańnie Pendula News, novaja valuta budzie zabiaśpiečanaja košykam zamiežnych valut, zołata i inšych kaštoŭnych mietałaŭ.
Novaja hrašovaja adzinka budzie vypuskacca ŭ manietach i banknotach naminałam u 1, 2, 5, 10, 20, 100 i 200. Jaje abmienny kurs da dalara ZŠA budzie składać 13,5 zimbabvijskaha zołata za 1 dalar ZŠA. Ciapier 1 dalar možna kupić za 30,5 tysiačy zimbabvijskich dalaraŭ.
Adznačajecca, što ZiG budzie zapuščany ŭ abaračeńnie 8 krasavika. Banknoty zimbabvijskaha dalara ad hramadzian buduć prymacca bankami krainy na abmien ciaham nastupnych 21 dzion.
Uviadzieńnie ZiG — užo šostaja z 2008 hoda sproba Zimbabve narešcie stvaryć narmalnuju miascovuju valutu. Papiarednija sproby byli niaŭdałyja, bo z-za vysokaj inflacyi ŭviedzienyja novyja płaciežnyja srodki vielmi chutka abiasceńvalisia.
Ciapier čytajuć
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt1
Kamientary
Ciapier u Zimbabve možna ŭ litaralnym sensie na kasie ŭ kramie kidać zihi!
I hałoŭnaje, što pieršaja litara - jakraz z sučasnaj rasijskaj svastyki, dla zihaŭ vielmi pasuje.