Vykładčyka Baranavickaha dziaržaŭnaha ŭniviersiteta asudzili na 1 hod kałonii i 16 tysiač štrafu za chabar u 500 rubloŭ, paviedamiŭ sud Baranavickaha rajona i horada Baranavičy.
«Abvinavačany Č., źjaŭlajučysia słužbovaj asobaj, abaviazanaj ažyćciaŭlać navučalnuju, navukovuju, vychavaŭčuju, ideałahičnuju i vučebna-mietadyčnuju pracu ŭ UA «Baranavicki dziaržaŭny ŭniviersitet» u 2023 hodzie, zhodna z raniej dasiahnutaj damoŭlenaściu, atrymaŭ u jakaści chabaru hrašovyja srodki ŭ pamiery 500 rubloŭ za spryjalnaje vyrašeńnie pytańnia ab zdačy studentami hrupy ekzamienu pa adnoj z dyscyplin», — havorycca ŭ paviedamleńni suda.
Pry hetym nie ŭdakładniajecca, jaki pradmiet vioŭ hety vykładčyk i kali dy pry jakich abstavinach jon byŭ zatrymany.
Za atrymańnie chabaru mužčyna byŭ asudžany da adnaho hoda pazbaŭleńnia voli ŭ kałonii ahulnaha režymu i štrafu ŭ pamiery 400 bazavych vieličyń (16 tysiač rubloŭ), z pazbaŭleńniem prava zajmać pasady, źviazanyja sa ździajśnieńniem jurydyčna značnych dziejańniaŭ, na termin 5 hadoŭ.
Kamientary