U pieršaj prahramie pad nazvaj «Biez prikrytija» novy kaleha Ryhora Azaronka raskrytykavaŭ Litvu za toje, što jana nibyta schavała nadzvyčajnuju situacyju na Ihnalinskaj AES.
Raman Pratasievič u svoj čas nabyŭ šyrokuju viadomaść jak adzin z redaktaraŭ papularnaha telehram-kanała Nexta, jaki adyhraŭ važnuju rolu pry kaardynacyi biełaruskich pratestaŭ u 2020 hodzie.
23 maja 2021 hoda Pratasievič razam sa svajoj dziaŭčynaj Sofjaj Sapiehaj byŭ zatrymany ŭ vyniku arhanizavanaj biełaruskimi ŭładami vymušanaj pasadki ŭ Minsku samalota Ryanair, jaki lacieŭ z Afinaŭ u Vilniu. Paśla taho jon pajšoŭ na supracoŭnictva sa śledstvam, dziakujučy čamu jahonyja ŭmovy ŭtrymańnia pad vartaj byli značna miakčejšyja, čym u zvyčajnych palitviaźniaŭ.
Minski abłasny sud 3 maja 2023 hoda prysudziŭ Pratasieviča da 8 hadoŭ pazbaŭleńnia voli va ŭmovach uzmocnienaha režymu. 22 maja 2023 hoda Pratasievič byŭ pamiłavany.
Paśla taho jon niejki čas pracavaŭ zvarščykam na Minskim elektratechničnym zavodzie imia Kazłova, paśla viełakurjeram, barmienam. Ale pry hetym śćviardžaŭ, što maje vialikija ciažkaści z pošukam pracy i brać jaho nidzie nie chočuć.
Ułady nieadnarazova rabili sproby vykarystoŭvać Ramana ŭ svajoj prapahandzie. Jamu stvaryli admysłovy telehram-kanał, adzin čas daručali nazyvać proźviščy palitviaźniaŭ, jakich vyzvalali. Ale ŭrešcie ŭsie hetyja sproby nie mieli asablivaha pośpiechu. Nakolki praciahłaj budzie novaja — pakaža čas.
31 kastryčniika ŭ adnym sa svaich vystupleńniaŭ Alaksandr Łukašenka zajaviŭ, što Raman Pratasievič navat padčas pryziamleńnia samalota ŭ mai 2021 hoda źjaŭlaŭsia supracoŭnikam biełaruskaj raźviedki. Sam Pratasievič paśla heta paćvierdziŭ, nie ŭdajučysia ŭ padrabiaznaści. Mahčyma, nazva jahonaj ciapierašniaj prahramy «Biez prykryćcia» apieluje akurat da hetaha jahonaha vobrazu, u praŭdzivaści jakoha bolšaść analitykaŭ i prosta naziralnikaŭ vykazvajuć vialikija sumnievy.
Babaryka paśla sustrečy z Pratasievičam trapiŭ u ŠIZA
Ci vierać ludzi, što Pratasievič — ahient raźviedki? Voś reakcyi ŭ sacsietkach
Pratasievič narakaje, što nie moža znajści pracu i zadumvajecca pra adjezd
Raman Pratasievič upieršyniu za miesiac pakazaŭsia ludziam, ale ŭ dziŭnym vyhladzie
Uładzimir Čudziancoŭ vyjšaŭ na svabodu i sustreŭsia z Pratasievičam
Kamientary