Łosik raskazaŭ, jak siadzieŭ u SIZA KDB z delehatam UNS — pałkoŭnikam milicyi, jaki pjanym ledź nie zabiŭ žonku
Eks-palitviazień padzialiŭsia ŭ svaim fejsbuku čarhovaj historyjaj sa źniavoleńnia.
«Zaŭtra ŭ Biełarusi pačynajecca čarhovaje pasiadžeńnie Usiebiełaruskaha narodnaha schodu, i mnie ŭspomniłasia, jak u SIZA KDB ja apynuŭsia ŭ adnoj kamiery z delehatam hetaha schodu. Heta byŭ pałkoŭnik milicyi z adnaho nievialikaha biełaruskaha horada Homielskaj vobłaści.
Apynuŭsia jon u turmie pa niebanalnaj spravie — jaho abvinavacili ŭ tym, što jon u stanie ałkaholnaha apjanieńnia ledź nie zastreliŭ z tabielnaha pistaleta ŭłasnuju žonku. Pašancavała: litaralna niekalki milimietraŭ laviej — i jana b nie vyžyła.
Ale sutnaść nie ŭ hetym. U kamiery ŭ nas časta ŭźnikali sprečki nakont vajny va Ukrainie, situacyi ŭ Biełarusi i vakoł hetaha Usiebiełaruskaha narodnaha schodu. Jon udzielničaŭ u im u 2024 hodzie, ale nie moh adkazać absalutna ni na adno pytańnie — pačynajučy ad «navošta ŭvohule stvaryli hety orhan?» i zakančvajučy «što vy tam pryniali i za što hałasavali?».
U biełaruskich padziejach jon aryjentavaŭsia vielmi słaba i navat prajhraŭ mnie šakaładku, kali dakazvaŭ, što ŭ Biełarusi nu nijak nie mahli viarnuć abmiežavańnie ŭ dva prezidenckija terminy.
UNS — heta kali 1 200 čałaviek źbirajucca, kab aficyjna paćvierdzić mierkavańnie adnaho», — zaklučyŭ Ihar Łosik.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary