Rasijski rehijon viarbuje biełarusaŭ na vajnu praz sacsietki — naładzili tarhietavanuju rekłamu
Zaklikajuć «dapamahčy susiedziam u baraćbie z praciŭnikam».
U rasijskaj sacyjalnaj sietcy «UKantakcie» źjaviłasia tarhietavanaja rekłama, u jakoj biełarusaŭ zaklikajuć iści vajavać suprać Ukrainy, zaŭvažyŭ «Fłahštok».
Abjava raspaŭsiudžvajecca ad hrupy «Słužba pa kantrakcie» ź biełaruskim dziaržaŭnym hierbam na avatarcy. Na malunku namalavany vajskoviec, a podpis abviaščaje: «Ty ź Biełarusi? Dapamažy susiedziam u baraćbie z supiernikam!».
Sam praciŭnik nie nazyvajecca. Biełarusam prapanujuć 450 tysiač rasijskich rubloŭ (blizu 5 tysiač dalaraŭ) za padpisańnie kantraktu. Nazva krainy napisana dakładna, a nie ŭ rasijskaj tradycyi.
Spasyłka ŭ rekłamnym paviedamleńni viadzie na centr rekrutynhu administracyi adnoj z susiednich ź Biełaruśsiu abłaściej Rasii. Na sajcie jość raździeł dla zamiežnych hramadzian, jakija chočuć zaklučyć kantrakt z rasijskaj armijaj. Miarkujučy pa ŭsim, abłasny rekrutynhavy centr za košt biełarusaŭ sprabuje vykanać normu pavodle kantraktnikaŭ.
U Biełarusi pavodle dziejnaha zakonu ŭdzieł va ŭzbrojenych kanfliktach za miažoj, a taksama najomnictva — heta kryminalnyja złačynstvy, za jakija pahražaje da siami hadoŭ turmy. Viarboŭka biełarusaŭ na vajnu za miažoj karajecca pazbaŭleńniem voli na termin da dziesiaci hadoŭ.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary