«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča
Katalicki śviatar z Šumilina Andžej Juchnievič z 8 maja znachodzicca ŭ źniavoleńni: spačatku pa administracyjnych artykułach, a niadaŭna suprać jaho zaviali kryminalnuju spravu. Vierniki ź jahonaj parafii robiać usio mahčymaje, kab jamu dapamahčy i starajucca daviedacca pra jahony stan, piša Katolik.life.
Viernikam parafii Maci Božaj Facimskaj u Šumilinie dahetul nieviadoma, u čym mienavita i pa jakim artykule abvinavačvajuć ichniaha probašča — heta tłumačać tajamnicaj śledstva. U śviatara jość advakat, ale jon taksama ničoha nie paviedamlaje, pakolki vymušany byŭ dać padpisku ab nierazhałošvańni.
Adzinaje, što pieradali viernikam — śviatar znachodzicca ŭ źniasilenym stanie, jon byŭ pazbaŭleny mnohich bazavych čałaviečych patrebaŭ. Da prykładu, tolki niadaŭna jamu dali mahčymaść pryniać duš — paśla amal dvuch miesiacaŭ źniavoleńnia.
Parafijanie tym časam nie zastajucca abyjakavymi da losu ajca Andžeja Juchnieviča i robiać usio mahčymaje dla jaho jak najchutčejšaha vyzvaleńnia. Na kožnaj śviatoj Imšy pra heta molacca parafijanie, dy i akramia hetaha vykarystoŭvajuć usie dastupnyja mietady. Tak, jany pišuć probašču listy ŭ SIZA, pieradajuć pieradačy, kab jon nie adčuvaŭ siabie ŭ adzinocie, imknucca chadajničać pierad orhanami śledstva i prakuratury, kab jaho vypuścili z-pad varty pad padpisku ab niavyjeździe.
U parafii pisali kalektyŭny zvarot u aparat upaŭnavažanaha pa spravach relihij i nacyjanalnaściaŭ, ale tam adkazali, što nie mohuć ničym dapamahčy ŭ hetaj spravie.
Pra dziejańni z boku aficyjnych kaściolnych struktur ničoha pakul nie viadoma — publičnych malitvaŭ, zajaŭ, napaminkaŭ pra situacyju śviatara i jakoj-niebudź minimalnaj infarmacyi ŭ publičnaj śfiery nie było.
Suprać ksiandza Andžeja Juchnieviča zaviali kryminalnuju spravu
«Śvietły, Božy čałaviek». Čamu ŭłady nakinulisia na śviatara Juchnieviča z Šumilina
Ksiandza Andžeja Juchnieviča pryznali palitviaźniem
Ksiandza z Šumilina nie vypuścili paśla 45 sutak, dali novy termin
Stali viadomyja pryčyny aryštu šumilinskaha ksiandza Juchnieviča
Katalickich śviataroŭ u Šumilinie zatrymali nibyta za «dyviersijnuju dziejnaść na škodu biełaruskaj dziaržavie»
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary