MZS Hiermanii skupa prakamientavała pamiłavańnie niamieckaha hramadzianina Łukašenkam
Pres-sakratar Ministerstva zamiežnych spravaŭ Niamieččyny 31 lipienia vykazaŭsia ab spravie Ryka Kryhiera, asudžanaha na rasstreł i pamiłavanaha Alaksandram Łukašenkam, piša Deutsche Welle.
Na ŭradavaj pres-kanfierencyi pres-sakratar viedamstva Siebaścijan Fišer nie staŭ adkazvać na mnohija pytańni žurnalistaŭ, adnak padkreśliŭ, što niamiecki bok «imkniecca da taho, kab jon [hramadzianin FRH] viarnuŭsia jak maha chutčej».
U viedamstvie nie stali adkazvać na pytańnie, ci vystaŭlaŭ biełaruski bok umovy dla pamiłavańnia Kryhiera.
«Ja nie chaču kamientavać, što zaachvociła spadara Łukašenku pamiłavać niamieckaha hramadzianina. Mahu tolki skazać, što hetaja navina pryniesła nam palohku», — skazaŭ Siebaścijan Fišer.
Na pytańnie, ci źviazanaje pamiłavańnie z mahčymym abmienam biełaruskich abo rasiejskich palitviaźniaŭ, pradstaŭnik MZS, jak i raniej, adkazvać admoviŭsia.
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary