Začynić vokny, nie kuryć, nie jeści tłustaje. Minski centr hihijeny raskazaŭ, što rabić, kali na vulicy smoh
Minčuki znoŭ paviedamlajuć, što ŭ horadzie pachnie haram. MNS źviazvaje heta z pažarami na poŭdni krainy. A Minski centr hihijeny i epidemijałohii rekamienduje nie adčyniać vokny.
Fota: Tochka.by
Haradski centr hihijeny i epidemijałohii raspavioŭ, što treba rabić pry niespryjalnych dla raśsiejvańnia zabrudžvalnych rečyvaŭ mieteaŭmovach.
Dla praduchileńnia abvastreńnia sardečna-sasudzistych, lohačnych i inšych chraničnych zachvorvańniaŭ, varta zajmacca prafiłaktykaj:
- Pa mahčymaści paźbiahać praciahłaha znachodžańnia na pavietry, trymać vokny začynienymi.
- Pastaracca nie pieranapružvacca fizična. Lubaja dadatkovaja fizičnaja nahruzka prymusić vas dychać čaściej i hłybiej.
- Pa miery mahčymaści vykarystoŭvać u pobycie i na pracoŭnych miescach sistemy kandycyjanavańnia i ačystki pavietra.
- Pravodzić vilhotnuju ŭborku ŭ žyłych pamiaškańniach i na pracoŭnych miescach; karysna taksama pastavić u žyłych i pracoŭnych pamiaškańniach jomistaści z vadoj, kab pavysić vilhotnaść pavietra.
- Maksimalna abmiežavać, a lepš vyklučyć kureńnie, paźbiahać užyvańnia ałkaholnych napojaŭ, tak jak heta pravakuje raźvićcio vostrych i chraničnych zachvorvańniaŭ sardečna-sasudzistaj i dychalnaj sistem.
- Pavialičyć spažyvańnie vadkaści dla darosłych.
- Vyklučyć z charčavańnia tłustuju ježu. Užyvać lohkazasvajalnuju, bahatuju vitaminami i minieralnymi rečyvami ježu, addavać pieravahu harodninie i sadavinie.
- Uładalnikam aŭtatranspartnych srodkaŭ, pry pieramiaščeńni pa horadzie ŭ pieryjad niespryjalnych mieteaŭmoŭ dla raśsiejvańnia zabrudžvalnych rečyvaŭ, pa mahčymaści admovicca ad kiravańnia i skarystacca hramadskim transpartam.
- Hramadzianam nie spalvać listotu i śmiećcie na terytoryjach pryvatnych domaŭładańniaŭ i nie pravodzić raboty, jakija mohuć pryvieści da pavyšanaha ŭtvareńnia pyłu.
- Ludziam, jakija pakutujuć na lohačnyja, sardečnyja, alerhičnyja zachvorvańni, nieabchodna mieć pry sabie lekavyja preparaty, rekamiendavanyja daktaram.
- U vypadku ŭźniknieńnia simptomaŭ vostraha zachvorvańnia abo niadužańnia (źjaŭleńni prykmiet dychavicy, kašlu i hetak dalej) nieabchodna źviarnucca da doktara.
U Minsku siońnia nieba znoŭ zaciahnuła smuhoj, a ŭ pavietry adčuvajecca pach haru. U MNS paviedamlajuć, što ŭ horadzie ŭsio ŭ paradku, a pach i dym mohuć być źviazanyja z pažaraniebiaśpiečnymi ŭmovami nadvorja ŭ lasach i na bałotach krainy.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary