Hramadstva11

Dzicia zhubiła hadzińnik z SIM-kartaj, a chtości aformiŭ na jaje «kredyt», ale spaliŭsia na drobiazi

U redakcyju Onlíner źviarnułasia abanient A1. Na SIM-kartu apieratara, jakoj karystałasia jaje dzicia ŭ smart-hadzińniku, niechta zmoh aformić «kredyt» — tak na rachunku ŭtvaryŭsia minus u 100 rubloŭ.

Fota: Onliner.by

Žančyna raspaviała, što jaje dzicia niekalki tydniaŭ tamu, u žniŭni, zhubiła dziciačy smart-hadzińnik, u jakim była ŭstaŭlenaja SIM-karta A1 (aformlenaja na samu žančynu). Pošuk vyniku nie daŭ — praz paru dzion jana adnaviła simku z zachavańniem numara, jakuju ŭstanaviła ŭžo ŭ mabilny telefon dziciaci.

Dziaŭčyna asabliva adznačaje: błakavać pieršuju (stračanuju) SIM-kartu pieršapačatkova jana nie płanavała, bo taja «nie daje mahčymaści syści ŭ minus». «Navat kali ŭ dziciaci na bałansie -1 kapiejka, suviaź błakujecca z abodvuch bakoŭ. I ŭvachodnyja, i vychodnyja», — udakładniaje karystalnica.

Niekalki dzion tamu žančyna nie zmahła datelefanavacca da dziciaci i vyrašyła pravieryć bałans na hetym numary — na im utvaryłasia zapazyčanaść sto rubloŭ.

«Ja vielmi ździviłasia, bo na telefonie staić baćkoŭski kantrol: dzicia nie moža samo ściahvać dadatki, zachodzić na veb-staronki, karystacca internetam i ŭsialakimi dadatkami, dzie mohuć śpisać hrošy», — kaža biełaruska.

Paśla zvarotu da apieratara, ź jaje słoŭ, vyśvietliłasia: na numary telefona, pryviazanym u tym liku da SIM-karty, jakaja zhubiłasia razam sa smart-hadzińnikam, niechta — sa słoŭ dziaŭčyny, nieviadomy, jaki zavałodaŭ stračanaj «simkaj», — skarystaŭsia pasłuhaj «A1 kašalok» ź limitam 100 rubloŭ. Na sajcie apieratara ŭdakładniajecca: «A1 kašalok» daje mahčymaść apłaty tavaraŭ, rabot i pasłuh u ARIP albo papaŭnieńnia virtualnaj karty A1 z vykarystańniem hrašovaha limitu ad A1».

«Ja adrazu ž pajechała ŭ ofis apieratara, kab daviedacca, jak takoje zdaryłasia. Mnie patłumačyli, što dla atrymańnia dadzienaj pasłuhi pašpartnyja danyja nie patrebnyja. Nieabchodnaja tolki SIM-karta z numaram telefona, na jaki prychodziać kody», — śćviardžaje dziaŭčyna.

I praciahvaje: «Ja paprasiła zrabić razdrukoŭku čekaŭ, na jakija pasłuhi vydatkavanyja 100 rubloŭ. Čałaviek ździajśniaŭ pakupki, apłaciŭ svoj mabilny telefon. Pamyłkaj stała toje, što čałaviek apłaciŭ dziaržpošlinu imihracyjnaha pašparta, i tam [u zachavanych płaciežnych dakumientach] paznačany jaho proźvišča, imia i doŭhi numar pašparta».

U kancy hutarki biełaruska dadała, što ŭžo źviarnułasia ŭ milicyju.

Što kažuć u A1

Žurnalisty źviarnulisia ŭ pres-słužbu apieratara z prośbaj ab kamientary. I spytali, ci sapraŭdy chapaje tolki kodaŭ z SMS-paviedamleńniaŭ, biez dadatkovaj źvierki danych? Voś što tam adkazali:

— U pieraliku pasłuh kampanii majecca pasłuha «kašalok» ź limitam 100 rubloŭ, ale dastupnaja jana vyklučna paśla aŭtaryzacyi i padklučeńnia jaje ŭ dadatku «A1 bankinh». Srodki pastupajuć na rachunak klijenta i mohuć być vykarystany tolki dla apłaty tavaraŭ, rabot i pasłuh u ARIP albo papaŭnieńnia virtualnaj karty ŭ ramkach hrašovaha limitu. Zrabić heta ŭ smart-hadzińnikach nie ŭjaŭlajecca mahčymym. Dla hetaha pavinien być nieabmiežavany dostup da samoj SIM-karty, jaje nieabchodna pastavić u smartfon i ŭvieści PIN-kod, ustalavać dadatak, prajści aŭtaryzacyju i ŭvieści kody z SMS. Hałoŭnaja rekamiendacyja: ni ŭ jakim razie nie davać dostup da SIM-karty trecim asobam, a ŭ vypadku jaje straty — nieadkładna błakavać.

U adpaviednaści z punktam 2.3.2 damovy ab akazańni pasłuh elektrasuviazi, klijent abaviazany apieratyŭna paviedamlać pa telefonie kantakt-centra ab stracie abo kradziažy SIM-karty i na praciahu 24 hadzin paćviardžać heta piśmovaj zajavaj, źviarnuŭšysia ŭ centr prodažu i absłuhoŭvańnia kampanii albo ŭ punkt prodažu i absłuhoŭvańnia dylera z dakumientam, jaki śviedčyć asobu. Pry hetym klijent niasie ŭsie mahčymyja vydatki za pasłuhi da faktyčnaha prypynieńnia kampanijaj akazańnia pasłuh pa svaim zvarocie. 

Klijentu kampanii, pakazanamu ŭ zapycie redakcyi, u luby momant mohuć być pradastaŭleny čeki apłat, učynienych ź jaho rachunku telefona ŭ ARIP. U takoha rodu situacyjach kampanija rekamienduje źviartacca ŭ pravaachoŭnyja orhany.

Kamientary1

  • koročie
    05.10.2024
    kruhom odni mošieńniki. nie isklučaja i "lubimy" A1

Ciapier čytajuć

Muž hałoŭnaj hieraini prapahandysckaha filma BT skončyŭ žyćcio samahubstvam21

Muž hałoŭnaj hieraini prapahandysckaha filma BT skončyŭ žyćcio samahubstvam

Usie naviny →
Usie naviny

Jakija nazvy vulic samyja papularnyja ŭ Biełarusi?5

Pad Viciebskam instruktary PVK «Vahnier» trenirujuć afrykanskich bajcoŭ kiravać dronami2

ZŠA i Rasija zrabili zajavy paśla razmovy Trampa i Pucina25

U Leninhradskaj vobłaści ŭpaŭ vajskovy viertalot, jość zahinułyja2

Parłamient Hiermanii pryniaŭ histaryčnaje rašeńnie3

U «Minsk-Śviecie» znoŭ patop: vada ljecca z bałkonaŭ i zataplaje padjezdy5

Stvaryć ułasny sajt dla biznesu abo błohu našmat praściej i tańniej, čym vy dumajecie1

Biełaruskaja padsankcyjnaja kampanija zakuplaje abstalavańnie ŭ ZŠA6

Tramp daručyŭ pierahledzieć sankcyjnuju palityku ZŠA

bolš čytanych navin
bolš łajkanych navin

Muž hałoŭnaj hieraini prapahandysckaha filma BT skončyŭ žyćcio samahubstvam21

Muž hałoŭnaj hieraini prapahandysckaha filma BT skončyŭ žyćcio samahubstvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić