Ci sapraŭdy moładź mienš cikavicca seksam? Voś što pakazała daśledavańnie Playboy
60% bajacca admovy, i tamu nie zavodziać adnosiny. Pry hetym moładź šmat całujecca.
Časopis Playboy razam z servisam u śfiery repraduktyŭnaha zdaroŭja Julie i Instytutam Kinsi pravioŭ daśledavańnie pra intymnaje žyćcio pakaleńnia zumieraŭ. Jany apytali 2 373 žycharoŭ ZŠA va ŭzroście ad 18 da 29 hadoŭ. Hałoŭnaje pytańnie: ci sapraŭdy pakaleńnie Z nie cikavicca seksam?
Piataja častka respandentaŭ nikoli nie mieła seksu, a jašče piataja mieła 10 i bolš partnioraŭ.
Ale moładź šmat całujecca: amal štodnia heta robiać 48,5%. Ale 40% za apošnija try miesiacy nie mieli vahinalnaha seksu. Nizkaja aktyŭnaść tyčycca i masturbacyi: 36% nie zajmalisia joju za apošnija try miesiacy.
Pry hetym seksualnaje žadańnie ŭ moładzi jość. Što tady zaminaje?
Adna z pryčyn — mała mahčymaściaŭ paznajomicca. 66,5% respandentaŭ adčuvajuć, što im nie chapaje mahčymaściaŭ sustreć partniora ŭžyvuju. Da taho ž mnohija stamilisia ad dejtynh-prahram.
60% bajacca admovy. Adzin z respandentaŭ kaža, što amal usie jaho znajomyja pakutujuć ad sacyjalnaj tryvožnaści, i paznajomicca ciažka, kali baišsia navat zahavaryć z čałaviekam.
Jašče važnaja pryčyna — hrošy. 43% kažuć, što finansavyja prablemy ŭskładniajuć spatkańni abo padtrymańnie adnosin. 39% praz hrošy ŭvohule radziej šukajuć stasunkaŭ. Jašče 39% adznačajuć, što košt spatkańniaŭ abmiažoŭvaje ich mahčymaści dla ramantyki i seksu.
Badaj, samy jaskravy čyńnik — žyćcio z baćkami. Tracina respandentaŭ žyvie z baćkami, i ź ich 64% nie mieli seksu za apošnija try miesiacy. Dla paraŭnańnia: siarod tych, chto žyvie z susiedziami ŭ kvatery, takich 38%, a siarod tych, chto žyvie adzin, 27%.
Čverć kaža, što baćki ŭsio jašče vyznačajuć dla ich strohija praviły i kantralujuć, što im možna rabić.
Nie ŭsie partniory hatovyja sustrakacca z čałaviekam, jaki žyvie z baćkami. Adna respandentka raskazvaje, jak chłopiec vyrašyŭ, što ŭ jaje jość «kamiendanckaja hadzina».
64% samotnych kažuć, što ciapier addajuć pryjarytet inšym śfieram darosłaha žyćcia: vučobie, pracy, vypłacie pazyk. Seks i spatkańni adkładajucca na potym.
34% maładych ludziej kažuć, što porna całkam zadavalniaje ich seksualnyja žadańni.
Dla ich heta praściej, dastupniej i mienš patrabuje emocyj, čym realnyja stasunki. Adzin 28‑hadovy respandent, jaki viarnuŭsia da baćkoŭ padčas pandemii i z taho času nie mieŭ seksu, kaža, što porna ŭ mnohim zamianiła jamu intymnaje žyćcio.
Pry hetym bolšaść maładych ludziej, jakija ŭ adnosinach, zadavolenyja svaim intymnym žyćciom. Aŭtary daśledavańnia robiać vysnovu, što «mała seksu» źviazana ź niedachopam mahčymaściaŭ, a nie žadańnia.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4040
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie40
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Usie hetyja Cukierbierhi i Maski horš za Hitlera.
A ŭjavicie zaraz ŠI psichoz pojdzie ŭ masy, bo akcyjaniery ŠI kampanij chočuć stać vielmi bahatymi ŭ luby košt, navat kali ekanomika ich biznesu nie pracuje. Miljony stanuć navat nie zadrotami, a niejkimi zašuhanymi istotami, jak u fantastyčnych filmach, bajacca luboj kamunikacyi ź inšymi ludźmi i niazdolnyja ničoha rabić bieź niaspynnaj kanfirmacyi ad asabistaha ŠI ahienta.
Brrr