Ihumieńnia Haŭryiła atrymała ŭznaharodu za dapamohu rasijskamu bataljonu, jaki ŭdzielničaje ŭ napadzie na Ukrainu
Ihumieńnia žanočaha manastyra ŭ Hrodnie źjeździła ŭ Sankt-Pieciarburh na Suśvietny ruski sabor i viarnułasia nie z pustymi rukami.
Matuška Haŭryiła z Hrodna źjeździła ŭ Sankt-Pieciarburh i paŭdzielničała va Usierasijskim forumie Suśvietnaha ruskaha narodnaha sabora. Heta arhanizacyja, stvoranaja pad ehidaj RPC, jakaja zajmajecca prapahandaj idej «ruskaha śvietu».
Na hety raz forum, jaki prajšoŭ u parłamiencie Pieciarburha, byŭ pryśviečany «farmavańniu nacyjanalnaj idei suvierennaj Rasii». Matušku Haŭryiłu zaprasili na siekcyju «Siamja. Hramadstva. Dziaržava. Ad Małoj Carkvy da Vialikaj krainy», dzie jana raspaviała ab supracoŭnictvie BPC i dziaržavy ŭ spravie prasoŭvańnia «tradycyjnych duchoŭnych kaštoŭnaściaŭ».
U kułuarach Haŭryiła aktyŭna fatahrafavałasia z udzielnikami schodu, u tym liku z rasijskimi vajskoŭcami, siarod jakich byli i ŭdzielniki impieryjalistyčnaj vajny suprać Ukrainy. Zdymki ŭ bahataj fotaspravazdačy apublikavaŭ sajt Hrodzienskaha manastyra.
Nahadajem, što matuška Haŭryiła — rasijskaja manaška, jakaja ŭznačalvaje manastyr u Hrodnie.
Čaho niama ŭ spravazdačy, dyk heta paviedamleńnia pra ŭznaharodu, jakuju Haŭryiła atrymała za dapamohu rasijskim vajskoŭcam na froncie. Pra ŭznaharodžańnie ihumieńni raskazała Volha Bondarava.
Haŭryiła atrymała hramatu ad rasijskaha vojska — za «dabračynnuju dapamohu, akazanuju rasijskim vajskoŭcam bataljona REB, jakija vykonvajuć svoj abaviazak i abaraniajuć suvierenitet i biaśpieku Rasii».
Hrodzienskamu manastyru ŭdzielniki vajny suprać Ukrainy dziakujuć nie ŭpieršyniu. Naraŭnie sa Śviata-Jelisaviecinskim manastyrom manastyr u Hrodnie źjaŭlajecca adnym z centraŭ padtrymki rasijskaj armii ŭ BPC. Tak, u krasaviku Hrodzienski manastyr pieradaŭ vajskoŭcam pradukty, hienieratar i abiazbolvalnyja preparaty.
Apytanka
«Rodnoj vo sto krat rośsijskij sołdat». U niadzielnaj škole ŭ Hrodnie dzieci pišuć listy rasijskim vajskoŭcam
Ihumieńnia Haŭryiła pra tych, chto vyjechaŭ: Nie pakajucca — pramaja daroha ŭ piekła
Fiodar Poŭny abvieściŭ Łukašenku prarokam, a sabie prypisaŭ zvyščałaviečyja zdolnaści
Moščy «raśpiataha chłopčyka», jakoha dla antysiemickaj prapahandy vykarystoŭvali nacysty, pryvieźli ŭ Homiel
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
hnať eto ZAO "Siekta RPC" ...