Ігумення Гаўрыіла атрымала ўзнагароду за дапамогу расійскаму батальёну, які ўдзельнічае ў нападзе на Украіну
Ігумення жаночага манастыра ў Гродне з'ездзіла ў Санкт-Пецярбург на Сусветны рускі сабор і вярнулася не з пустымі рукамі.
Матушка Гаўрыіла з Гродна з'ездзіла ў Санкт-Пецярбург і паўдзельнічала ва Усерасійскім форуме Сусветнага рускага народнага сабора. Гэта арганізацыя, створаная пад эгідай РПЦ, якая займаецца прапагандай ідэй «рускага свету».
На гэты раз форум, які прайшоў у парламенце Пецярбурга, быў прысвечаны «фармаванню нацыянальнай ідэі суверэннай Расіі». Матушку Гаўрыілу запрасілі на секцыю «Сям'я. Грамадства. Дзяржава. Ад Малой Царквы да Вялікай краіны», дзе яна распавяла аб супрацоўніцтве БПЦ і дзяржавы ў справе прасоўвання «традыцыйных духоўных каштоўнасцяў».
У кулуарах Гаўрыіла актыўна фатаграфавалася з удзельнікамі сходу, у тым ліку з расійскімі вайскоўцамі, сярод якіх былі і ўдзельнікі імперыялістычнай вайны супраць Украіны. Здымкі ў багатай фотасправаздачы апублікаваў сайт Гродзенскага манастыра.
Нагадаем, што матушка Гаўрыіла — расійская манашка, якая ўзначальвае манастыр у Гродне.
Чаго няма ў справаздачы, дык гэта паведамлення пра ўзнагароду, якую Гаўрыіла атрымала за дапамогу расійскім вайскоўцам на фронце. Пра ўзнагароджанне ігуменні расказала Вольга Бондарава.
Гаўрыіла атрымала грамату ад расійскага войска — за «дабрачынную дапамогу, аказаную расійскім вайскоўцам батальёна РЭБ, якія выконваюць свой абавязак і абараняюць суверэнітэт і бяспеку Расіі».
Гродзенскаму манастыру ўдзельнікі вайны супраць Украіны дзякуюць не ўпершыню. Нараўне са Свята-Елісавецінскім манастыром манастыр у Гродне з'яўляецца адным з цэнтраў падтрымкі расійскай арміі ў БПЦ. Так, у красавіку Гродзенскі манастыр перадаў вайскоўцам прадукты, генератар і абязбольвальныя прэпараты.
Апытанка
«Родной во сто крат российский солдат». У нядзельнай школе ў Гродне дзеці пішуць лісты расійскім вайскоўцам
Ігумення Гаўрыіла пра тых, хто выехаў: Не пакаюцца — прамая дарога ў пекла
Фёдар Поўны абвесціў Лукашэнку прарокам, а сабе прыпісаў звышчалавечыя здольнасці
Мошчы «распятага хлопчыка», якога для антысеміцкай прапаганды выкарыстоўвалі нацысты, прывезлі ў Гомель
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе1
Каментары
гнать это ЗАО "Секта РПЦ" ...