Kandydat u prezidenty ZŠA Kamała Charys na sustrečy ŭ sieradu z vybarščykami adkazała śćviardžalna na pytańnie, ci ličyć jana svajho sapiernika Donalda Trampa fašystam.
«Tak, liču, — adkazała Charys na pytańnie z zały. — I ja taksama liču, što ludziam, jakija lepš za ŭsio viedajuć jaho z hetaha boku, varta daviarać».
Paśla słoŭ pra Trampa-fašysta «Charys zapeŭniła, što nie atajasamlivaje svajho supiernika z masaj umieranych respublikancaŭ i skazała, što chacieła b źnizić napał supraćstajańnia pamiž Demakratyčnaj i Respublikanskaj partyjami», pieradaje CNN.
Kažučy pra ludziej, jakija dobra viedajuć Trampa, Charys, vierahodna, mieła na ŭvazie byłoha kiraŭnika aparata prezidenta Trampa Džona Keli. Jon u aŭtorak nazvaŭ Trampa fašystam u dvuch intervju.
U hutarcy z hazietaj The New York Times Keli skazaŭ, što Tramp vidavočna addaje pieravahu dyktatarskamu padychodu da kiravańnia i što jaho pohlady «ŭkładvajucca ŭ ahulnaje vyznačeńnie fašyzmu».
U intervju vydańniu The Atlantic Keli dadaŭ, što Tramp niejak skazaŭ, što chacieŭ by, kab jahonyja supracoŭniki padparadkoŭvalisia jamu hetak ža bieśpiarečna, jak nacysckija hienierały Adolfu Hitleru.
Tramp u adkaz u svajoj sacsietcy Truth nazvaŭ Keli dehienieratam i zajaviŭ, što historyja pra jahonyja słovy pra nacysckich hienierałaŭ — chłuśnioj.
Kamientujučy vystup Charys, Tramp zajaviŭ, što ŭ jaho supiernicy «pierakručany mozh» i jana ŭsio bolš «padymaje hradus rytoryki».
Vybary prezidenta ZŠA projduć 5 listapada 2024 hoda.
«Trampa cikavić tolki jaho eha, jaho hrošy i jaho status». Barak Abama vystupiŭ u padtrymku Kamały Charys
Charys admoviłasia ad sustrečy z Pucinym pa Ukrainie biez udziełu Ukrainy
Zialenski: Tramp daŭ pramuju infarmacyju, što budzie na našym baku
«Hetaja kraina prachodzić praź piekła». Tramp sustreŭsia ź Zialenskim i pachvaliŭsia dobrymi adnosinami z Pucinym
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary