Charys admoviłasia ad sustrečy z Pucinym pa Ukrainie biez udziełu Ukrainy
Taksama jana zajaviła, što kali b Tramp pieramoh u 2020-m, to Pucin zaraz by siadzieŭ u Kijevie.
Vice-prezident ZŠA i kandydat u prezidenty Kamała Charys zajaviła ab niehatoŭnaści da sustrečy z prezidentam RF Uładzimiram Pucinym dla abmierkavańnia zaviaršeńnia kanfliktu Rasii i Ukrainy.
«Nie, nie ŭ dvuchbakovym paradku biez Ukrainy. Ukraina pavinna mieć prava hołasu ŭ pytańni pra budučyniu Ukrainy»,— skazała jana, kažučy pra mahčymaść sustrečy z Pucinym.
Vice-prezident adznačyła, što ZŠA padtrymlivajuć mahčymaści Ukrainy pa abaronie ad dziejańniaŭ Rasii. Adkazvajučy na pytańnie, ci padtrymaje jana členstva Kijeva ŭ NATA, Charys nazvała heta temaj, jakaja budzie padniataja, «kali i kali dojdzie da hetaha».
Taksama jana zajaviła, što kali b jaje supiernik-respublikaniec Donald Tramp byŭ prezidentam, to «Pucin by ciapier siadzieŭ u Kijevie».
«Davajcie rastłumačym heta. Jon kaža: «Jon moža pakłaści kaniec hetamu ŭ pieršy ž dzień». Viedajecie, što heta značyć? Havorka idzie pra kapitulacyju», — śćviardžaje Charys.
Tramp nie raz kazaŭ, što dla zaviaršeńnia kanfliktu na Ukrainie jamu treba 24 hadziny. Jon tłumačyŭ, što dla hetaha źviazaŭsia b z Pucinym i ŭkrainskim prezidentam Uładzimiram Zialenskim.
«Ja b skazaŭ Zialenskamu: davoli, tabie treba ŭkłaści ŭhodu. Ja skažu Pucinu: kali vy nie zaklučycie pahadnieńnie, my damo im [Ukrainie] vielmi mnohaje, bolš, čym u ich kali-niebudź było, kali pryjdziecca», — raspaviadaŭ Tramp.
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci6
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary