«Hetaja kraina prachodzić praź piekła». Tramp sustreŭsia ź Zialenskim i pachvaliŭsia dobrymi adnosinami z Pucinym
A jašče kandydat u prezidenty ZŠA skazaŭ, što chutka vyrašyć pytańnie z vajnoj, kali stanie pieramožcam na vybarach.
Prezident Ukrainy Uładzimir Zialenski sustreŭsia z kandydatam u prezidenty ZŠA Donaldam Trampam. Sustreča palitykaŭ adbyłasia ŭ Trump Tower u Ńju-Jorku. Tramp zajaviŭ, što dla jaho honar sustrecca z ukrainskim lidaram, piša The Guardian.
«Dla nas vialiki honar bačyć prezidenta siarod nas, jon šmat pieražyŭ. Jon pieražyvaje kałasalnyja ciažkaści», — skazaŭ Tramp, dadaŭšy: «My praviadziom abmierkavańnie i pahladzim, da čaho možna pryjści».
Eks-prezident ZŠA nazvaŭ piekłam situacyju ŭ Ukrainie. «Hetaja kraina prachodzić praź piekła… Ja nikoli nie bačyŭ ničoha padobnaha na hetuju žachlivuju situacyju», — adznačyŭ jon, havoračy pra Ukrainu.
Tramp taksama adznačyŭ, što ŭ jaho dobryja adnosiny ź Zialenskim, i pachvaliŭsia vielmi dobrymi adnosinami z Uładzimiram Pucinym. «Ja dumaju, kali my pieramožam, my vielmi chutka vyrašym hetaje pytańnie», — skazaŭ Tramp, majučy na ŭvazie vajnu Rasii suprać Ukrainy. Zialenski ŭ adkaz vykazaŭ nadzieju, što ŭ ich z Trampam adnosiny buduć lepšyja, čym u Trampa z Pucinym.
«Ja dumaju, u nas jość ahulny pohlad na toje, što vajna va Ukrainie pavinna być spynienaja, i Pucin nie moža pieramahčy. Ukraina pavinna pieramahčy. I ja chaču abmierkavać z vami detali płana pieramohi», — adznačyŭ prezident Ukrainy, źviartajučysia da Trampa.
Napiaredadni Zialenski sustreŭsia z kankurentkaj Trampa Kamałaj Charys i prezidentam ZŠA Džo Bajdenam.
Tramp raniej na pieradvybarčym mitynhu zajaviŭ, što «Ukrainy bolš niama». Pa jahonym mierkavańni, na adnaŭleńnie ŭkrainskich haradoŭ paśla vajny nie chopić hrošaj. U toj ža čas jon jašče raz raskrytykavaŭ administracyju Bajdena za padtrymku Kijeva ŭ vajnie.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary