Navat kali vy nie čuli hetych imion, to paznajecie ich karciny pa styli. I voś užo dva tydni, jak i jany — u zaścienkach.
Pa infarmacyi «Našaj Nivy», Rymašeŭskaha i Ščamialovu zatrymali prykładna dva tydni tamu i jany dahetul nie vyjšli na svabodu.
64-hadovaja Ludmiła Ščamialova — dačka narodnaha mastaka Biełarusi Leanida Ščamialova.
Jaje mužu Iharu Rymašeŭskamu taksama 64 hady.
Aboje pracujuć u styli, šmat u čym natchnionym naiŭnym mastactvam. Vielmi roznyja, jany tym nie mienš aboje roŭna paznavalnyja kazačnaściu svaich pałotnaŭ. I vybitnyja ŭ svajoj aryhinalnaści i ironii.
Ich pracy ŭpryhožvali najlepšyja biełaruskija halerei i navat hramadski transpart. Jany stvaryli zapaminalny vobraz «viečnaha Minska» i naiŭnych, prastadušnych, ale sardečnych biełarusaŭ.
U čym abvinavačvajuć hetych mastakoŭ, pakul nieviadoma.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka, miarkujučy pa infarmacyi z učastkaŭ, dzie padlik hałasoŭ išoŭ u prysutnaści niezaležnych naziralnikaŭ, prajhraŭ Śviatłanie Cichanoŭskaj, ale nie addaŭ ułady.
Represii pačalisia ź lidaraŭ apazicyi i vuličnych pratestaŭ i pastupova raspaŭsiudzilisia na novyja i novyja słai.
Pa infarmacyi pravaabaroncaŭ, za 2020—2024 hady było zaviedziena bolš za 19 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Pa mnohich kryminalnych spravach prachodziać šmatlikija fihuranty.
Zhodna z infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆ-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary