U Minsk prychodzić sietka dastaŭki picy, jakaja pierad tym raskruciłasia ŭ rehijonach
U pieršyja dni listapada ŭ Minsku adkryjecca sietka dastaŭki sušy-rołaŭ i picy «Kapibara». Raniej hety prajekt aktyŭna raźvivaŭsia ŭ rehijonach Biełarusi i ciapier pradstaŭleny ŭ 26 haradach. Zaradziłasia ž takaja dastaŭka ŭ rasijskim Smalensku, a ciapier raźvivajecca praz franšyzu, piša Office.life.
Jak vyśvietliła vydańnie, pieršy punkt «Kapibary» adkryjecca ŭ ŽK «Minsk Śviet». Franšyzu nabyła kampanija «Kvoka».
Kanstancin Šaviakoŭ, dyrektar hetaj kampanii, raskazaŭ, što jon źjaŭlajecca adnym z zasnavalnikaŭ troch punktaŭ «Kapibara» ŭ Viciebsku. Tam dastaŭka źjaviłasia ŭ 2021 hodzie.
«Za šeść hadoŭ sietka niadrenna raźviłasia ŭ rehijonach, a ŭ Minsk vyrašyli zajści, tamu što para», — kaža jon.
Spačatku punkt budzie pracavać u «Minsk Śviecie» jak servis dastaŭki sušy-rołaŭ, picy, startaraŭ. Kali ž naładziać techničnyja momanty, to zapuściać i farmat ježy navynos. Budzie i niekalki pasadačnych miescaŭ, ale mety raźvivacca jak poŭnafarmatnaja kaviarnia nie stavicca.
U 2017 hodzie dastaŭka «Kapibara» ŭžo sprabavała pracavać u Minsku, ale paśla prajekt pieraviali ŭ Baranavičy.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ72
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary