Aleksijevič: Paźniak nijak nie moža pahadzicca, što jaho čas prajšoŭ
U novym vypusku TOKu piśmieńnica i nobieleŭskaja łaŭreatka Śviatłana Aleksijevič vykazałasia, čamu Paźniak krytykuje Maryju Kaleśnikavu i jak jana da jaje stavicca.
Jak viadoma, lidar ruchu «Volnaja Biełaruś» Zianon Paźniak niekalki razoŭ rezka vykazvaŭsia pra Maryju Kaleśnikavu, jakaja ciapier za kratami. Palityk nazyvaŭ jaje «palityčnym ništo».
Śviatłana Aleksijevič ź vialikaj ciepłynioj zhadvaje Maryju Kaleśnikavu:
«Ja jaje prosta lublu. Jana mnie vielmi padabałasia. Pryhožaja takaja, sučasnaja žančyna, ź jeŭrapiejskim vopytam žyćcia. Jana vielmi cikavy čałaviek. Hetaja jaje ŭśmieška, i toje, jak jana išła napieradzie. Jana stała simvałam našych maršaŭ. Ja navat nie mahu našy maršy ŭjavić biez Mašy».
Pa słovach piśmieńnicy, my nie možam davać acenku palityčnaj roli Maryi Kaleśnikavaj, bo jana nie paśpieła całkam prajavić siabie:
«Jana nie raźviarnułasia. U nas ža było vielmi mała času. Paru miesiacaŭ tolki. Nichto nie paśpieŭ razharnucca. Śvieta Cichanoŭskaja zrabiła siabie paśla baraćby. Łatuška taksama paśla».
Śviatłana Aleksijevič vykazała svaju zaniepakojenaść losam Maryi Kaleśnikavaj: «Ja tolki malu, kab jana chacia b pryjšła bolš-mienš zdarovym čałaviekam, jaki moh by vylečycca. Jaje by tut uvieś śviet lačyŭ».
Pa słovach nobieleŭskaj łaŭreatki, Maryja «z tych ludziej, jakija jakraz i zrabili revalucyju, i katoryja zrabili, u rešcie rešt nacyju, kali ŭžo choča Paźniak. Toje, što ŭ jaho nie atrymałasia zrabić».
«Paźniak prosta raŭnivy čałaviek. A raŭnivyja ludzi ŭ palitycy — heta katastrofa. Tamu što, ja ŭpeŭniena, kali b jon byŭ va ŭładzie, heta nie było b dobra dla Biełarusi. Jana b z usim śvietam pasvaryłasia. Jon nijak nie moža pahadzicca, što jaho čas prajšoŭ, što ŭžo druhi čas, druhija ludzi. Tak, voś žančyny. A to jon jak Łukašenka — jamu žančyny nie padabajucca. Hetamu [Łukašenku], što jana nie słužyła ŭ armii, a jamu ja nie viedaju, čamu», — ličyć Aleksijevič.
Hladzicie całkam:
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ57
Kamientary
Akabčyk Maleńki palitykaŭ nie moža tryvać, tut roŭnaść pamiž dziadulam Ze i spadaryniaj Kaleśnikavaj.
Ale biaźvinna karanaj kabiecie Akabčyk Maleńki zyčyć najchutčejšaha vyzvaleńnia i zdaroŭječka