Pa ŭsioj Biełarusi prajšła chvala zatrymańniaŭ svajakoŭ palitviaźniaŭ
Pa infarmacyi pravaabaroncaŭ, 14 listapada supracoŭniki KDB zładzili čarhovy rejd pa ŭsioj krainie. Pad zatrymańni trapili, u tym liku svajaki palitviaźniaŭ.
Pa infarmacyi @dissidentBY, aryšty i vobšuki prajšli ŭ šmatlikich ludziej na pradmiet atrymańnia dapamohi.
Zatrymańni prajšli ŭ Hrodnienskaj vobłaści, Baranavičach i Minsku, paviedamlaje «Kraina dla žyćcia».
Inšyja padrabiaznaści nieviadomyja.
Kiraŭnik BYSOL Andrej Stryžak napisaŭ, što ŭ ich kamandy siońnia šmat pracy:
«Usia słužba evakuacyi BYSOL pracuje poŭnym składam u suviazi ź siońniašniaj abłavaj. Zajavak šmat. Vyvodzim ludziej z-pad udaru».
Čarhovaja chvala masavych zatrymańniaŭ u Biełarusi pačałasia 31 kastryčnika i praciahvajecca da hetaha času.
Pavodle infarmacyi «Našaj Nivy», častka zatrymańniaŭ źviazana z tym, što 29 kastryčnika KDB pryznaŭ «ekstremisckim farmavańniem» kaalicyju dvarovych čataŭ.
Padobna, što ŭ toj ža čas HUBAZiK «adpracavaŭ» niekalki pradpryjemstvaŭ i rajonaŭ u rehijonach. Jon dziejničaŭ pa ŭłasnym płanie, paralelna.
HUBAZiK pieravažna prychodziŭ da ludziej, jakija traplali pad uvahu siłavikoŭ raniej. Heta adpaviadaje łohicy apieracyi pa pieradvybarčym zastrašvańni nasielnictva, pra jakuju «Naša Niva» paviedamlała raniej.
Abłavu 31 kastryčnika — 1 listapada pa maštabie možna paraŭnać z aryštami svajakoŭ palitviaźniaŭ i ludziej, jakija im dapamahali, zimoj 2024-ha.
Viadoma, što izalatary časovaha ŭtrymańnia ŭ rehijonach i Akreścina ŭ Minsku pierapoŭnienyja.
«Nachapali kuču narodu. U dvuch– i trochmiesnych kamierach — pa 15—20 čałaviek», — raskazvaje čałaviek, jaki vyzvaliŭsia niadaŭna.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary
Nievierojatnyje, vy mołodcy, otdielnaja vam błahodarnosť.