Na zimu zapłanavanyja masavyja zatrymańni, składzienyja «pieršy i druhi śpisy»
«Kali ŭ čałavieka ŭ telefonie niama padpisak — padpisać. Kali treba — prynieści ściah i sfatahrafavać u kvatery», — cytuje atrymanyja ŭkazańni surazmoŭca «Našaj Nivy».
U rehijonach adbylisia narady, pryśviečanyja prezidenckim vybaram, jakija papiarednie pryznačanyja na luty 2025 hoda, paviedamili «Našaj Nivie» krynicy z dvuch haradoŭ krainy.
Pierad siłavikami pastaŭlenaja zadača «prafiłaktavać» usich, chto moža pratestavać pierad vybarami ci ŭ čas hałasavańnia.
Składzienyja śpisy tych, chto padlahaje previentyŭnym vobšukam i zatrymańniam, tak zvanyja «pieršy i druhi śpisy». U «pieršy śpis» uvachodziać usie tyja, chto raniej byŭ asudžany pa administracyjnych ci kryminalnych artykułach. U «druhi śpis» uvachodziać ludzi, jakija raniej nie pryciahvalisia da adkaznaści pa palityčnych matyvach, ale jakija ličacca patencyjna niełajalnymi, palityčna aktyŭnymi.
Prychody da ludziej ź pieršaha śpisu pačnucca ŭžo ŭvosień. Adnak najbolš intensiŭnyja represii zapłanavanyja na śniežań—studzień — bližej da dnia hałasavańnia. «Kab nichto i nie pisknuŭ pierad vybarami», — cytuje prysutny na adnoj z takich narad.
«Kali ŭ čałavieka ŭ telefonie niama padpisak — padpisać. Kali treba — prynieści ściah i sfatahrafavać u kvatery», — cytuje atrymanyja ŭkazańni inšy čałaviek.
Akramia taho, pierad vybarami maje adbycca «adpracoŭka pradpryjemstvaŭ» — heta značyć, demanstratyŭnaja pravierka telefonaŭ i zatrymańni na pracoŭnych miescach. Miarkujučy pa našaj infarmacyi, śpis takich ustanoŭ i zavodaŭ užo vyznačany.
Zadača siłavikoŭ — kab vybary prajšli «biez najmienšych incydentaŭ», heta značyć, kab nichto navat nie sprabavaŭ vyviesić pratestavyja ŭlotki, zapatrabavać prazrystaha padliku hałasoŭ ci publična vystupić suprać kandydatury Alaksandra Łukašenki.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Nužno štoby dziemakratičnyja štaby pozvali ludiej na ulicy užie v eti vychadnyje.
A łukašiesku otkrył ohoń po diemonstrantam.
Ibo inače kak žie dobivaťsia uvieličienije biudžieta na paddieržku dziemakratii ot Jevprovy?
I niepodpisaťsia budiet po mieńšiej mierie striemno
A koje hdie i opasno.
Tak čto ryhoryča v etom hodu vydvinut s riekordom.
Milliona tri budiet.