Žonka futbalista zbornaj paraŭnała ceny ŭ Zara ŭ Biełarusi i Vienhryi
Dzie tańniej nabyć rečy Zara — u Minsku ci ŭ Budapiešcie? Paraŭnać ceny vyrašyła błohierka Nastaśsia Klimovič, padčarka viadomaha futbalista Alaksandra Hleba. Jana ciapier žyvie na dźvie krainy i dobra aryjentujecca ŭ tym, dzie što kolki kaštuje.
Na instahram-błoh Nastaśsi Klimovič, finalistki konkursu pryhažości «Mis Biełaruś 2018», padpisana 73 tysiačy čałaviek.
U 2021 hodzie jana pabrałasia šlubam z futbalistam zbornaj Biełarusi Uładzisłavam Klimovičam, praz hod u siamji naradziŭsia syn. Ciapier Uładzisłaŭ hulaje za vienhierski kłub DVTK, a Nastaśsia z synam žyvie na dźvie krainy — Biełaruś i Vienhryju.
U hetyja vychodnyja ŭ Biełarusi (i ŭ inšych krainach taksama) «čornaja piatnica», i Nastaśsia z mamaj, babulaj i synam prajšłasia pa mahazinach. Jana raspaviała padpisčykam na prykładzie papularnaj sietkavaj kramy Zara, jak adroźnivajucca ceny na adzieńnie ŭ Minsku i Budapiešcie.
Naprykład, sama Nastaśsia prymieryła dublonku.
— Cana ŭ Biełarusi sa źnižkaj 197 rubloŭ, u Vienhryi — 130 rubloŭ, — adznačyła błohierka, jakaja dla zručnaści pieraviała ceny ź vienhierskich foryntaŭ u biełaruskija rubli.
Maleńkamu synu Arciomu Nastaśsia hladzieła zimovuju kurtku z novaj kalekcyi (źnižki na jaje pakul niama ni ŭ adnoj z krain). Na jaje roźnica ŭ cenach jašče bolš kidajecca ŭ vočy: 199 rubloŭ u Biełarusi suprać 117 rubloŭ u Vienhryi.
Jak alternatyŭny varyjant dla dziciaci Nastaśsia razhladała dublonku, za jakuju ŭ Minsku treba addać 199 rubloŭ. U Budapiešcie ž jana ŭžo na źnižcy i abydziecca ŭsiaho ŭ 67 rubloŭ. Nastaśsia napisała, što, kali pieraviała canu ź vienhierskich foryntaŭ, zrazumieła, što abaviazkova voźmie hetuju dublonku. Nie ŭdakładniła, u jakoj mienavita krainie, ale, zdajecca, vybar vidavočny.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary