Akaŭnt siłavikoŭ šukaje achvotnych pazdymać ludziej na forumie apazicyi. A ŭ inšych čatach papiaredžvaje, što heta niebiaśpiečna
Heta vielmi padobna na styl HUBAZiK — mienavita Artur Hajko sočyć za akcyjami biełaruskaj emihracyi.
Karespandenty «Našaj Nivy» źviarnuli ŭvahu na dziŭnuju aktyŭnaść novastvoranaha telehram-akaŭnta ID 7685816821.
14 studzienia jon ustupiŭ u niekalki čataŭ, źviazanych ź Litvoj i Polščaj. 16 studzienia jon napisaŭ u supołku «Varšava čat» voś takoje paviedamleńnie:
Na nastupny dzień hety ž akaŭnt spytaŭsia ŭ litoŭskim čacie, ci nie prapanavali kamuści zdymać za hrošy forum Cichanoŭskaj. A siońnia ad samaj ranicy jon ža raskidvaje adnatypnyja paviedamleńni takoha źmiestu:
U čacie biełarusaŭ Vilni akaŭnt papiaredziŭ karystalnika, što, maŭlaŭ, šukajuć ludziej, hatovych być fatohrafami na mierapryjemstvie, a paśla «ŭ ich adbiaruć u Biełarusi kvatery».
Zusim niezrazumieła, u čym sens takoj paralelnaj hulni ŭ supraćlehłych kirunkach.
My pasprabavali napisać akaŭntu Shane z pytańniem pra toje, što treba zdymać u Varšavie. Jon adasłaŭ nas u telehram-bot @EventShots_bot. Voś što nas naściarožyła.
Pa-pieršaje, bot stvorany kryva — u im na dźviuch movach bačny taki nadpis z proćmaj pamyłak u polskaj movie:
Z polskaj tekst pierakładajecca voś tak: «Praryŭ, Viktar. Dašli fota abo vyjavu dy atrymaješ hrafičny dokaz. Ananimnaść harantavanaja!»
Pa-druhoje, jon stvorany z dapamohaj FleepBot, jaki pakazvaje ID karystalnikaŭ, jakija pišuć u bot — mienavita im karystajecca HUBAZiK, u toj čas, jak u KDB jość samarobnyja boty. Heta važna dla analizu taho, ci sapraŭdny čałaviek piša ŭ bot i ci nie žurnalist jon.
Akurat niadaŭna Hajko anansavaŭ u svaim kanale «Biełaruski siłavik», što hatovy płacić za infarmacyju pra biełaruskuju mihracyju i biełaruskich dobraachvotnikaŭ. I akurat Hajko letaś źbiraŭ infarmacyju pra praviadzieńnie Dnia Voli ŭ emihracyi.
«Naša Niva» — bastyjon biełaruščyny
PADTRYMAĆU Vilni šukajuć ludziej, hatovych za hrošy špijonić za litoŭskimi śpiecsłužbami i zdymać akcyi biełarusaŭ
Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
«Siońnia haryć śmiećcie, zaŭtra buduć hareć vašy dzieci». Biełarusam Litvy rassyłali pahrozy ad imia ultranacyjanalistaŭ. Ale prakałolisia
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary
Słaboviki i pročije storonnije juzatieli "Hłaza boha" i podobnych siervisov, a poprobujtie, prosto tak, probiť usłovnoho vymyšlennoho polzovatiela novoho tipa akkaunta na Facebook - chrien u vas połučitsia, jeśli tolko obosnovannyj (nie političieskij) zapros Cukierbierhu pošlotie i vam na nieho otvietiat. Nu, ili libo primienitie socialnuju inžienieriju i podkinitie polzovatielu ssyłku v ličku na prokładku s triekierom i takoj łopušok pieriejdiet po niej, tohda jeho zatriekajetie. No, jeśli on budiet pod VPN sidieť, to mało čto vam eto dast.
A kali vy z facebook napišycie znajomamu "heta ja, M.", i paśla jaho złoviać - to vaša niebiaśpieka budzie takaja ž, jak z ananimnaha telegram napisać znajomamu, i paśla jaho złoviać.
Nie razvažajcie ŭ terminach "biaśpiečnych" abo "niebiaśpiečnych" sacsietak/prahram, razvažajcie ŭ terminach, jakuju infarmacyju vy adkryli i kamu. I tut pahrozy deananimizacyi buduć adnolkavyja dla lubych mesendžaraŭ i sacsietak.