Navahodnija śviaty, Kalady — haračaja para dla pieravozčykaŭ. Ciapier jany pakrysie vydychajuć, navat źnižajuć ceny na kvitki, piša Onliner.
— Navahodnija śviaty, pryznajemsia, dla pieravozčykaŭ i pasažyraŭ mižnarodnych rejsaŭ vydalisia haračymi, — dzielicca ŭražańniami servis «Atłas». — Čaho chavać, kvitki časam byli ŭ deficycie, plus treba było nabracca ciarpieńnia, kab vystajać u čerhach na miažy.
I dadaje, maŭlaŭ, zaraz zusim inšaja sprava.
— Bilety patańnieli. Šerah pieravozčykaŭ — partnioraŭ «Atłasa» nie prosta «zamarozili» ceny, a istotna źnizili ich. Naprykład, u Vilniu ź Minska zaraz možna dabracca za 100 rubloŭ. Zvyčajny košt jašče da Novaha hoda składaŭ 140 rubloŭ, — raskazvajuć u servisie. — Źniziłasia cana i na polskim napramku. Naprykład, bilety da Poznani ź Minska kaštujuć 160 rubloŭ (raniej 200), z Bresta — 150 rubloŭ (raniej 180), z Homiela — 180 rubloŭ (raniej 230). Taki ž košt i zvarotnaha bileta z Poznani ŭ biełaruskija harady.
Nu i ažyjataž spaŭ. Bilety ŭ najaŭnaści, varyjantaŭ dastatkova.
— Zrešty, kab harantavać pajezdku pa vyhadnaj canie i ŭ najbolš zručny čas, raim kuplać bilety zahadzia. Nahadajem, prodaž kvitkoŭ na mižnarodnyja rejsy adkryvajecca za 30 dzion da adpraŭleńnia, — dadali ŭ servisie.
Jak z čerhami na miažy?
U «Atłasie» kažuć, što čerhaŭ praktyčna niama. Havorka mienavita pra aŭtobusnyja čerhi.
— Na polskim napramku aŭtobus u siarednim zatračvaje na pierasiačeńnie miažy ŭ zaležnaści ad situacyi ad 3 da 6 hadzin, a na miažy ź Litvoj układvajecca ŭ siarednim u 2-3 hadziny, — śćviardžajuć tam.
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary