Prezident ZŠA Donald Tramp 6 lutaha padpiša ŭkaz ab sankcyjach suprać Mižnarodnaha kryminalnaha suda (MKS) za pieraśled Złučanych Štataŭ i ich sajuźnikaŭ, takich jak Izrail, paviedamiŭ pradstaŭnik Biełaha doma.
Ukaz uviadzie finansavyja i vizavyja sankcyi dla supracoŭnikaŭ MKS i členaŭ ich siemjaŭ.
Hety krok Trampa robicca paśla taho, jak na minułym tydni demakraty ŭ Sienacie ZŠA zabłakavali sprobu respublikancaŭ uvieści sankcyi suprać MKS u znak pratestu suprać ordaraŭ na aryšt premjer-ministra Izraila Bińjamina Nietańjachu i byłoha ministra abarony Izraila Jaava Hałanta. Na hetym tydni Nietańjachu znachodzicca ź vizitam u Vašynhtonie.
MKS zahadzia pryniaŭ miery dla abarony svaich supracoŭnikaŭ ad mahčymych sankcyj ZŠA, vypłačvajučy zarobki na try miesiacy napierad, pakolki jon rychtujecca da finansavych abmiežavańniaŭ, paviedamlali raniej krynicy Reuters.
Sud užo druhi raz sutykajecca ź mierami ŭ adkaz ZŠA. Padčas pracy pieršaj administracyi Trampa ŭ 2020 hodzie Vašynhton uvioŭ sankcyi suprać hałoŭnaha prakurora MKS Fatu Biensuda i dyrektara Departamienta pa pytańniach jurysdykcyi Fakiso Benčačochi ŭ suviazi z rasśledavańniem mierkavanych vajennych złačynstvaŭ u Afhanistanie.
«Reparciory bieź miežaŭ» padali na Łukašenku ŭ Mižnarodny kryminalny sud
Orban nazvaŭ cyničnym ordar na aryšt Nietańjachu i demanstratyŭna zaprasiŭ jaho ŭ Vienhryju
Mižnarodny kryminalny sud vydaŭ ordar na aryšt Bińjamina Nietańjachu
Ci vydaść sud u Haazie pastanovu ab aryšcie Łukašenki i jak heta paŭpłyvaje na jaho palityku i atačeńnie? Razvažaje Frydman
Ciapier čytajuć
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej13
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary