Kiraŭnik Pientahona: Pryniać realnaść — nie značyć iści na sastupki Pucinu
Kiraŭnik Pientahona Pit Chiehset zajaviŭ, što viartańnie miežaŭ Ukrainy da tych, jakija isnavali da 2014 hoda, nie źjaŭlajecca realistyčnaj metaj. Pra heta jon skazaŭ 13 lutaha na pres-kanfierencyi paśla sustrečy ministraŭ abarony krain NATA ŭ Bruseli ŭ čaćvier, paviedamlaje «Jeŭrapiejskaja praŭda».
Chiehset skazaŭ, što «realizm — važnaja častka razmovy», a jaho da hetaha, maŭlaŭ, było niedastatkova.
«Ale prosta trymacca realizmu, naprykład, što miežy nie buduć adkatanyja da taho, jakimi ŭsie chacieli b ich bačyć u 2014 hodzie, nie źjaŭlajecca sastupkaj Uładzimiru Pucinu. Heta pryznańnie realij ćviordaj siły na miescach, paśla mnohich achviar, spačatku z boku ŭkraincaŭ, a zatym z boku sajuźnikaŭ, i ŭśviedamleńnie taho, što mir, dasiahnuty šlacham pieramoŭ, budzie peŭnaj demarkacyjaj, jakoj nie žadaje nivodzin z bakoŭ», — adznačyŭ ministr abarony ZŠA.
Jon taksama adchiliŭ krytyku padychodu Donalda Trampa, što maŭlaŭ, prezident ZŠA ŭžo pajšoŭ na sastupki Uładzimiru Pucinu.
«Arhumienty, jakija pryvodzilisia, što toje, što jon ciapier sadzicca za stoł pieramoŭ, — heta adkrytyja sastupki Uładzimiru Pucinu, jakija prezident Złučanych Štataŭ nie pavinien rabić… Ja prosta abviarhaju heta», — skazaŭ Chiehset.
Jon dadaŭ, što Pucin hatovy da pieramovaŭ, bo reahuje na siłu i bačyć u Trampie mocnaha supiernika.
Prytym uvachodžańnie Ukrainy ŭ NATA Chiehset taksama ličyć nierealistyčnym:
«Ja chaču rastłumačyć sioje-toje z nahody taho, što siabroŭstva [Ukrainy] u NATA — nierealistyčny vynik pieramoŭ. Pry hetym hetyja pieramovy ŭznačalvaje prezident Tramp. Usie varyjanty zastajucca mahčymymi».
«U jahonych razmovach z Uładzimiram Pucinym i ź Zialenskim toje, što jon navažycca dapuścić abo nie dapuścić — usio heta znachodzicca ŭ kampietencyi lidara volnaha śvietu, prezidenta Trampa», — padkreśliŭ Pit Chiehset.
Tramp i Pucin mohuć damovicca pra spynieńnie ahniu da Vialikadnia ci 9 maja
Ukraina pavinna pasłać Trampa za rasijskim vajskovym karablom — krynica The Times u Minabarony Brytanii
«Mnie zdajecca, što ja ŭ bolšaj realnaści znachodžusia». Zialenski padzialiŭsia padrabiaznaściami svajoj učarašniaj razmovy z Trampam
Paśla razmovy Trampa z Pucinym jeŭrapiejskija palityki vystupili z ahulnaj zajavaj pa Ukrainie
Tramp i jaho kamanda zapeŭnivajuć, što nie płanujuć spyniać padtrymku Ukrainy
Ministr abarony Niamieččyny: Lepš by ZŠA nie išli na sastupki da pačatku pieramoŭ
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary