Paśla razmovy Trampa z Pucinym jeŭrapiejskija palityki vystupili z ahulnaj zajavaj pa Ukrainie
Ministry zamiežnych spraŭ jeŭrapiejskich krain vystupili z ahulnaj zajavaj pa Ukrainie, dzie padkreślili nieabchodnaść udzieła Ukrainy ŭ lubych pieramovach nakont vajny. Tekst apublikavaŭ MZS Ukrainy.
U zajavie ministry zamiežnych spraŭ Hiermanii, Francyi, Polščy, Vialikabrytanii, Ispanii i Italii adznačyli, što hatovyja ŭzmacnić padtrymku Ukrainy.
«My čakajem abmierkavańnia dalejšaha šlachu razam z amierykanskimi chaŭruśnikami. Našymi ahulnymi metami pavinna być zabieśpiačeńnie pazicyi siły dla Ukrainy. Ukraina i Jeŭropa pavinny ŭdzielničać u lubych pieramovach», — skazana ŭ zajavie.
Kiraŭnica MZS Hiermanii Analena Bierbak dadała, što padpisańnie mirnaha pahadnieńnia mahčyma tolki pry ŭdziele ŭ pieramovach Ukrainy i jeŭrapiejskich krain.
12 lutaha stała viadoma pra razmovy Trampa i z Pucinym, i ź Zialenskim. Viadoma, što razmova ź Zialenskim ciahnułasia kala hadziny, ale jaje padrabiaznaści publična nieviadomy.
Z Pucinym Tramp abmierkavaŭ «mocnyja baki ich nacyj i vialikuju vyhadu, jakuju jany kali-niebudź atrymajuć ad sumiesnaj pracy».
Tady ž stała viadoma, što Tramp i Pucin mohuć sustrecca ŭ Saudaŭskaj Aravii.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary