Ministr abarony Niamieččyny: Lepš by ZŠA nie išli na sastupki da pačatku pieramoŭ
Ministr abarony Niamieččyny Barys Pistoryus, kamientujučy telefonnyja pieramovy prezidenta ZŠA Donalda Trampa z Uładzimiram Pucinym, zajaviŭ, što Jeŭropa taksama pavinna ŭdzielničać u hetych pracesach, a Pucin pavinien pakazać, što surjozna nastrojeny na mirnyja pieramovy, piša The Guardian.
Pistoryus kaža, što Jeŭropa pavinna być uciahnutaja ŭ pieramovy, asabliva kali Tramp čakaje, što jeŭrapiejskija sajuźniki buduć adyhryvać miratvorčuju rolu ŭ budučaj damoŭlenaści.
Akramia taho, pavodle jaho słoŭ, kali Pucin surjozna nastrojeny na mirnyja pieramovy, jon pavinien pakazać heta, prypyniŭšy ataki na Ukrainu.
Pistoryus ličyć, što «było b lepš, kali b ZŠA nie išli na sastupki Rasii jašče da pačatku pieramoŭ». «Na moj pohlad, za stałom pieramoŭ lepš było b havaryć pra mahčymaje siabroŭstva Ukrainy ŭ NATO abo ab mahčymaj stracie terytoryi», — skazaŭ Pistoryus.
Na dumku kiraŭnika niamieckaha abaronnaha viedamstva, chutkaje mirnaje pahadnieńnie nie abaviazkova vyrašyć usie zaniepakojenaści adnosna palityki Rasii ŭ rehijonie.
Jon papiaredžvaje, što jeŭrapiejcy nie zmohuć prosta «siadzieć skłaŭšy ruki i rassłabicca». Taksama jon pieraścierahaje ad praźmierna radasnaj reakcyi na paviedamleńni pra mirnyja pieramovy, pakolki «Pucin praciahvaje pravakavać Jeŭropu i zastajecca pahrozaj».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
My pamiatajem