Cichanoŭskaja: Vyzvaleńni adbyvajucca nie praz humannaść Łukašenki, a praź cisk na režym
Śviatłana Cichanoŭskaja ŭziała ŭdzieł u dyskusii, pryśviečanaj pytańniam represij, u ramkach asnoŭnaj prahramy Miunchienskaj kanfierencyi pa biaśpiecy. Padčas razmovy biełaruskaja lidarka sfakusavała ŭvahu aŭdytoryi i surazmoŭcaŭ na pytańniach vyzvaleńnia biełaruskich palitviaźniaŭ, važnaści padtrymki niezaležnych ŚMI i ŭpłyvu vajny va Ukrainie na budučyniu našaj krainy i ŭsiaho rehijonu.
«U sieradu try čałavieki byli vyzvalenyja ź biełaruskich turmaŭ. I my ŭdziačnyja novaj administracyi Trampa za toje, što heta stała mahčymym. Heta byli skaardynavanyja namahańni amierykanskaha boku i biełaruskich demakratyčnych siłaŭ.
My sapraŭdy ŭparta pracujem nad vyzvaleńniem ludziej. Ale treba razumieć: vyzvaleńni adbyvajucca nie praz humannaść Łukašenki. Heta adbyvajecca praź cisk, jaki ŭvieś čas akazvajecca na režym Łukašenki», — zajaviła Śviatłana Cichanoŭskaja.
Zakranuła jana i pytańniem skaračeńnie finansavańnia biełaruskich ŚMI z-za rašeńniaŭ, pryniatych adrazu paśla inaŭhuracyi novym prezidentam ZŠA Donaldam Trampam:
«Skaračeńnie finansavańnia USAID mocna paŭpłyvała na mnohija niezaležnyja ŚMI Biełarusi. Jany vymušanyja pracavać u vyhnańni, bo ŭnutry krainy pryznanyja «ekstremisckimi» i «terarystyčnymi». Siońnia hetyja miedyja apynulisia na miažy źniknieńnia.
My pavinny razumieć, što ŚMI — heta nie tyja prajekty, jakija možna prypynić na niejki čas. Supraćstajańnie prapahandzie pavinna vieścisia štodnia. Kali niezaležnyja hałasy zamaŭčać, ich miesca tut ža zojmie rasijskaja i biełaruskaja prapahanda».
Što da budučych pieramoŭ pa spravie spynieńnia vajny va Ukrainie, to, jak padkreślivaje biełaruskaja lidarka, ad ich vynikaŭ zaležyć budučynia nie tolki Ukrainy, ale i ŭsiaho našaha rehijonu:
«Isnujuć dva asnoŭnyja scenary pieramovaŭ pa Ukrainie. Pieršy — spraviadlivy mir i pieramoha Ukrainy.
Tolki spraviadlivy mir u pieramovach pa Ukrainie daść mahčymaść Biełarusi i mnohim inšym krainam źmianicca da lepšaha, tamu što los Biełarusi i Ukrainy hłyboka źviazany.
Pieramoha Ukrainy budzie vielizarnaj mahčymaściu dla ludziej znoŭ adkryta supraciŭlacca nie tolki ŭ Biełarusi. Heta taksama daść šaniec Małdovie, Hruzii, Armienii. Tamu, dapamahajučy Ukrainie, vy dapamahajecie ŭsiamu rehijonu.
Druhi varyjant — praciah paŭzučaj akupacyi našaj krainy z padačy Łukašenki, jaki ciapier słužyć intaresam Pucina, a nie biełaruskaha naroda. U takim vypadku my stracim Biełaruś na doŭhija hady.
Kali Ukraina nie pieramoža ŭ hetaj vajnie — heta ŭzmocnić Pucina, i našyja najbližejšyja susiedzi — Polšča, Litva, Łatvija, Estonija apynucca pad samaj vialikaj pahrozaj źniknieńnia praz heta».
Što budzie ź Biełaruśsiu paśla razmovy Trampa i Pucina?
Cichanoŭskaja prakamientavała namier Zialenskaha havaryć z Trampam pra Biełaruś
Cichanoŭskaja ŭ Miunchienie: Patrabujem, kab rasijskija vojski byli vyviedzienyja nie tolki z Ukrainy, ale i z našaj ziamli
Cichanoŭskaja sustrełasia z amierykanskim čynoŭnikam, jaki pryjazdžaŭ u Minsk pa palitviaźniaŭ
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
Pora davno poniať Tichanovskoj, čto jeje vybrała Biełaruś, a nie moskali.
Riadom dołžna byť Polina i dieržať rieċ.
I chvatit nam užie słušať vystuplenij v stile Tani Bułanovoj.