Stała viadoma, kolki školnikaŭ zdali repietecyjny ekzamien na 100 bałaŭ
Respublikanski instytut kantrolu viedaŭ (RIKV) apracavaŭ 55,4 tys. rabot repietycyjnaha centralizavanaha ekzamienu. 100 bałaŭ atrymali sioleta 133 školniki, siaredni vynik nabliziŭsia da 60 bałaŭ, paviedamili ŭ Ministerstvie adukacyi.
Ekzamien pravodziŭsia pa 16 vučebnych pradmietach.
«Bolš za ŭsio maksimalnych vynikaŭ pa zamiežnaj movie (44), matematycy (28) i ruskaj movie (21)», — raskazali ŭ Minadukacyi.
Siaredni bał pa fizicy skłaŭ 60,1, chimii — 57,6, historyi Biełarusi ŭ kantekście suśvietnaj historyi — 57,5, zamiežnaj movie — 56,9, matematycy — 56,8. U 19 vypadkach školniki atrymali 0 bałaŭ. Adzin vynik anulavali praz parušeńni praviłaŭ.
«Pa vynikach RCE-2025 kolkaść nulavych vynikaŭ u 2 razy mienšaja, čym u 2024 hodzie», —— adznačyli ŭ Minadukacyi.
Tam ličać, što heta śviedčyć «pra bolš vysoki ŭzrovień padrychtoŭki vučniaŭ i vynikovaść pracy piedahohaŭ».
Składanaść testaŭ u paraŭnańni ź minułym hodam nie źmianiałasia i całkam adpaviadaje školnaj prahramie, dadali ŭ Ministerstvie.
Hetym razam udzielniki RCE ŭ svaich asabistych kabinietach zmohuć nie tolki ŭbačyć svaje vyniki i aznajomicca sa skanavanymi kopijami zapoŭnienych błankaŭ. Na sajcie RIKV buduć aktualnyja spasyłki na padručniki z adkazami pa kožnym zadańni, što dazvolić zrabić pracu nad pamyłkami.
Repietycyja centralizavanaha ekzamienu prachodziła 8 lutaha. Samymi papularnymi pradmietami na joj stali ruskaja mova, matematyka, bijałohija i hramadaznaŭstva.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ80
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary