Zialenski: Rasija rychtuje nastup u Charkaŭskaj i Sumskaj abłaściach
Prezident Ukrainy ŭ intervju francuzskamu vydańniu Le Figaro zajaviŭ, što Rasija rychtuje viasnovaje nastupleńnie na paŭnočnym uschodzie Ukrainy — u Charkaŭskaj i Sumskaj abłaściach.
Pavodle jaho słoŭ, da hetaha nastupu rasijski bok pačaŭ rychtavacca jašče 8 miesiacaŭ tamu, ale ŭkrainski nastup u Kurskaj vobłaści Rasii sarvaŭ hetyja płany. Ciapier Kreml, śćviardžaje Zialenski, pierahrupavaŭ siły i znoŭ hatovy da aktyŭnych dziejańniaŭ u hetych rehijonach.
«My nazirajem padrychtoŭku da hetaj apieracyi i dzielimsia raźvieddanymi z našymi sajuźnikami», — skazaŭ Zialenski.
Ź siaredziny sakavika pryhraničnyja rajony Sumščyny padviarhajucca intensiŭnym abstrełam i avijaŭdaram z rasijskaha boku. Miascovyja ŭłady paviedamlajuć pra evakuacyju bolš za 3 tysiačy žycharoŭ z šerahu nasielenych punktaŭ. Uzrasła i kolkaść udaraŭ pa Charkavie i jaho vakolicach, nahadvaje Rasijskaja słužba Radyjo Svaboda.
Siońnia prezident Ukrainy znachodzicca ŭ Paryžy, dzie prymaje ŭdzieł u samicie «Kaalicyi žadajučych» — hrupy z bolš čym 30 krain, jakija majuć namier praciahvać vajennuju dapamohu Kijevu. Samit pravodzicca pa inicyjatyvie prezidenta Francyi Emanuela Makrona.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary