U centralnaj častcy horada rekanstrujujuć miemaryjał da 80-hodździa Pieramohi. Staryja jełki, jakija byli daŭniaj častkaj haradskoha asiarodździa, vykarčavali. Haradžanie aburylisia. Tolki ŭłady ich nie pačuli, piša Media-Polesye.
Što pra rekanstrukcyju kažuć pinčuki
U kamientarach ludzi vykazali abureńnie i ździŭleńnie. Ludzi pisali, što «serca ablivajecca kryvioj», «heta byŭ kutok dziacinstva», «cełaja epocha syšła».
«Hetyja jeli byli najlepšym pomnikam. Tam prajšło žyćcio nie adnaho pakaleńnia».
«Horad pieratvarajecca ŭ bietonnaje piekła. Dzie zielanina, dzie duša?»
Pinčuki ździŭlajucca, čamu padobnyja prajekty realizujucca biez adkrytaha abmierkavańnia:
«Čamu ŭłada samavolna prymaje padobnyja rašeńni? Heta pavinien być kalektyŭny dyjałoh».
«Haradžan nichto nie pytaŭsia. Prosta pryjšli i vysiekli».
U abmierkavańni kamientatary padkreślivajuć, što zamiena jełak na tui i plitku nie apraŭdana ni estetyčna, ni funkcyjanalna:
«Nasadzili tuju, a jana cieni nie daje. Śpiakota i pustata».
«Plitka — nie alternatyva drevu. Heta škodnictva».
«Raniej možna było schavacca ad sonca ŭ cieni, fantanach i jełak. A zaraz plitka i asfalt».
«Horad źmianiŭ svoj tvar. Chutka budzie jak u Dubai — horača, kamienna i pusta».
Va ŭładaŭ — svajo bačańnie
«Z ulikam taho, što treba było zamianiać darožki, jakija na siońniašni dzień paškodžany karaniami, dreŭ vysokarosłych, jak ni škada, ale pryjšłosia vydalić raniej pasadžanyja jełki, jakija byli vysadžany niedzie ŭ 1976 hodzie», — paviedamiŭ TRK «Pinsk» načalnik ŽREU Hienadź Dubojski.
Pa słovach čynoŭnika, drevy imknulisia zachavać, ale z ulikam kamunikacyj i darožak heta nie stałasia mahčymym. Zapłanavana vysadka novych dreŭ, jakija, na dumku kiraŭnika ŽREU, upišucca ŭ abnoŭleny łandšaft.
«Usie darožki, padjomy, prystupki buduć vykanany ŭ plitcy. Plitka vybrana jak «praciah našaj piešachodki, kab ansambl vyhladaŭ adzinym», — prainfarmavaŭ Hienadź Dubojski.
-
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
-
«Čarnahoryja nikomu nie choča davać prytułku». Biełaruska raskazała pra pieravahi i składanaści žyćcia ŭ hetaj krainie
-
Novanabyty Airbus «Biełavija» vykanaŭ pieršy rejs
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary