У цэнтральнай частцы горада рэканструююць мемарыял да 80-годдзя Перамогі. Старыя елкі, якія былі даўняй часткай гарадскога асяроддзя, выкарчавалі. Гараджане абурыліся. Толькі ўлады іх не пачулі, піша Media-Polesye.
Што пра рэканструкцыю кажуць пінчукі
У каментарах людзі выказалі абурэнне і здзіўленне. Людзі пісалі, што «сэрца абліваецца крывёй», «гэта быў куток дзяцінства», «цэлая эпоха сышла».
«Гэтыя елі былі найлепшым помнікам. Там прайшло жыццё не аднаго пакалення».
«Горад ператвараецца ў бетоннае пекла. Дзе зеляніна, дзе душа?»
Пінчукі здзіўляюцца, чаму падобныя праекты рэалізуюцца без адкрытага абмеркавання:
«Чаму ўлада самавольна прымае падобныя рашэнні? Гэта павінен быць калектыўны дыялог».
«Гараджан ніхто не пытаўся. Проста прыйшлі і высеклі».
У абмеркаванні каментатары падкрэсліваюць, што замена елак на туі і плітку не апраўдана ні эстэтычна, ні функцыянальна:
«Насадзілі тую, а яна цені не дае. Спякота і пустата».
«Плітка — не альтэрнатыва дрэву. Гэта шкодніцтва».
«Раней можна было схавацца ад сонца ў цені, фантанах і елак. А зараз плітка і асфальт».
«Горад змяніў свой твар. Хутка будзе як у Дубаі — горача, каменна і пуста».
Ва ўладаў — сваё бачанне
«З улікам таго, што трэба было замяняць дарожкі, якія на сённяшні дзень пашкоджаны каранямі, дрэў высокарослых, як ні шкада, але прыйшлося выдаліць раней пасаджаныя елкі, якія былі высаджаны недзе ў 1976 годзе», — паведаміў ТРК «Пінск» начальнік ЖРЭУ Генадзь Дубойскі.
Па словах чыноўніка, дрэвы імкнуліся захаваць, але з улікам камунікацый і дарожак гэта не сталася магчымым. Запланавана высадка новых дрэў, якія, на думку кіраўніка ЖРЭУ, упішуцца ў абноўлены ландшафт.
«Усе дарожкі, пад'ёмы, прыступкі будуць выкананы ў плітцы. Плітка выбрана як «працяг нашай пешаходкі, каб ансамбль выглядаў адзіным», — праінфармаваў Генадзь Дубойскі.
-
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
-
Франак Вячорка: У нас афігенная дыяспара, але ныццё пра тое, што ўсё кепска, дэматывуе. Мы не ўмеем прадаваць поспехі
-
Трох польскіх святароў выслалі з Беларусі
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары