Žycharka Barysava padmannym šlacham zabrała ščaniuka ŭ zavodčycy, a potym vykarystała sabaku ŭ jakaści płaciežnaha srodku.
U listapadzie 24-hadovaja barysaŭčanka znajšła ŭ internecie abjavu pra prodaž ščaniuka špica. U hałavie ŭ dziaŭčyny źjaviŭsia płan, jak na hetym padzarabić.
Jana źviazałasia z zavodčycaj i raspaviała joj całkam prydumanuju sumnuju historyju: maŭlaŭ, raniej u jaje byŭ dakładna taki ž sabaka, ale jon pamior. I ciapier jaje dzicia byccam by choča sabie dakładna takoha ž sabačku, pišuć «Minsk-Naviny».
Haspadynia ŭ historyju pavieryła i dazvoliła dziaŭčynie ŭziać špica ŭ rasterminoŭku. Taja navat paabiacała napisać raśpisku i paviedamić svaje pašpartnyja źviestki. Ale, atrymaŭšy sabaku, barysaŭčanka tak i nie zapłaciła. Spačatku jana narakała na finansavyja ciažkaści, a potym i ŭvohule zajaviła, što ščaniuk pamior, i jana ničoha płacić nie budzie.
Zavodčyca źviarnułasia ŭ milicyju. Siłaviki vyśvietlili, što ščaniuk žyvy i zdarovy. Akazałasia, barysaŭčanka addała sabaku ŭ jakaści płaty za manikiur ź nievialikaj dapłataj. Novaja haspadynia z žyviołaj nie spraviłasia i addała jaho darma nieviadomym ludziam.
Ciapier maładuju barysaŭčanku buduć sudzić za machlarstva.
Kamientary