Dziaržstandart paviedamiŭ, što hety pradukt nie adpaviadaje zajaŭlenym ułaścivaściam horkaha šakaładu. Havorka idzie pra šakaład Boucheron the Original z marskoj sollu.
Zhodna z patrabavańniami techrehłamientaŭ Mytnaha sajuza, u pradukcie, jaki nazvany horkim šakaładam, pavinna być nie mienš za 33% kakava-masła. U Bušeronie» ž jaho akazałasia ŭsiaho 31,5%.
Śpiecyjalisty taksama vyjavili pieravyšeńnie normy niezadekłaravanych zamieńnikaŭ kakava-masła. Dola ekvivalentaŭ skłała 8,17% pry dapuščalnych 5%.
Takaja pradukcyja, na dumku Dziaržstandartu, tolki imituje ŭłaścivaści horkaha šakaładu i ŭvodzić pakupnikoŭ u zman.
Šakaład Boucheron raniej rabili pa šviejcarskich standartach na fabrycy «Mančester Enterprajz», jakaja znachodzicca ŭ rasijskim horadzie Jarasłaŭli. Ale nie fakt, što tam praciahvajuć paśla ŭviadzieńnia zachodnich sankcyj vykarystoŭvać aryhinalnia recepty i syravinu ad zamiežnaha partniora — ciurychskaha kancerna Barry Callebaut.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary