Bieły dom pra apošniuju zajavu Trampa: u prezidenta «zakančvajecca ciarpieńnie»
Pres-sakratarka Biełaha doma Kerałajn Levit, kamientujučy apošniuju krytyčnuju zajavu Donalda Trampa ŭ bok ukrainskaha prezidenta Uładzimira Zialenskaha, skazała, što ŭ Trampa «zakančvajecca ciarpieńnie» i zaklikała Zialenskaha nie kamientavać pieramovy ŭ ŚMI, piša «Jeŭrapiejskaja praŭda».
Levit padkreśliła, što ZŠA nie patrabujuć ad Ukrainy pryznać Krym «rasijskim».
«[Tramp] prosić, kab baki sieli za stoł pieramoŭ, uśviedamlajučy, što hetaja žorstkaja vajna doŭžycca zanadta doŭha, i dla taho, kab zaklučyć dobruju ździełku, abodva baki pavinny zastacca trochi niezadavolenymi», — zajaviła pres-sakratarka prezidenta ZŠA.
«I, na žal, prezident Zialenski sprabuje spračacca praź mirnyja pieramovy ŭ ŚMI, a heta dla prezidenta nieprymalna. Pieramovy pavinny być za začynienymi dźviaryma», — dadała jana.
Pa słovach Levit, ZŠA vydatkavali šmat času i resursaŭ, kab pasprabavać pakłaści kaniec hetaj vajnie, i ciapier Tramp «rasčaravany, jaho ciarpieńnie kančajecca».
«Jon choča, kab zabojstvy spynilisia. Ale dla hetaha treba, kab abodva baki vajny byli hatovyja heta zrabić. I, na žal, prezident Zialenski, zdajecca, ruchajecca ŭ niapravilnym kirunku», — padsumavała pres-sakratarka.
Pres-sakratarka Biełaha doma molicca pierad kožnaj kamunikacyjaj z žurnalistami
Paźniak: Kerałajn Livit — heta prosta znachodka vieku
Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim
Piaskoŭ nazvaŭ umovu, pry vykanańni jakoj vajna imhnienna zaviaršyłasia b
ZŠA prapanujuć Ukrainie mirny płan, jaki dazvolić Pucinu zachavać zachoplenyja terytoryi. Stali viadomyja amierykanskija prapanovy
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča16
Kamientary
A kali Tramp «rasčaravany, jaho ciarpieńnie kančajecca», to chaj paciarpić trochi - 24 hadziny, jany doŭhija.
Chaj mužčyna darobić toje, što abiacaŭ.