Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim
Prezident ZŠA Donald Tramp u svajoj sacsietcy Truth Social žorstka vykazaŭsia pra zroblenuju napiaredadni zajavu prezidenta Ukrainy Uładzimira Zialenskaha adnosna taho, što Ukraina nie moža pahadzicca z aficyjnym pryznańniem Kryma častkaj Rasii, bo heta supiarečyć ukrainskaj Kanstytucyi.
«Takija pravakacyjnyja zajavy Zialenskaha tolki ŭskładniajuć mahčymaść urehulavańnia hetaj vajny. Jamu niama čym vychvalacca! Situacyja dla Ukrainy krytyčnaja — jon moža vybrać mir ci praciahvać baraćbu jašče try hady, pierš čym stracić usiu krainu.
Ja nie maju nijakaha dačynieńnia da Rasii, ale vielmi chaču spynić marnuju śmierć u siarednim piaci tysiač rasijskich i ŭkrainskich sałdat kožny tydzień. Siońniašniaja zajava Zialenskaha tolki padoŭžyć «kryvavaje pole boju», a hetaha nichto nie choča!
My vielmi blizkija da pahadnieńnia, ale čałavieku, jaki «hulaje biez kazyroŭ», užo daŭno para zrazumieć heta. Ja hatovy dapamahčy Ukrainie i Rasii vybracca z hetaha poŭnaha i tatalnaha biazładździa, jakoha nikoli b nie było, kali b ja byŭ prezidentam!», — napisaŭ Donald Tramp.
Pieramovy pa Ukrainie ŭ Łondanie skasavali
ZŠA prapanujuć Ukrainie mirny płan, jaki dazvolić Pucinu zachavać zachoplenyja terytoryi. Stali viadomyja amierykanskija prapanovy
U Dziarždepartamiencie ZŠA buduć radykalna skaračać struktury, zaniatyja pravami čałavieka
Pucin prapanavaŭ spynić kanflikt pa ciapierašniaj linii frontu — Financial Times
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary