Stukač z «Hramady», jaki letaś sprabavaŭ praleźci ŭ Kaardynacyjnuju radu, pajechaŭ u Polšču i prapaŭ
Paŭła Bialucina vyklučyli z partyi, kali vypadkova vykryłasia, što jon u kancy 2010-ch pisaŭ u KDB danos na Mikołu Aŭtuchoviča. Ciapier ža jon źnik u Polščy.
Biełarus, jakoha padazravali ŭ suviazi z KDB, źnik u Polščy. Žonka Paŭła Bialucina kaža, što apošni raz jon vychodziŭ na suviaź dva tydni tamu, paviedamlaje «Jeŭraradyjo».
U 2022 hodzie Pavieł Bialucin byŭ prysudžany ŭ Biełarusi da «chatniaj chimii» za abrazu pradstaŭnika ŭłady. Napačatku 2024 hoda jon udzielničaŭ u vybarach u Kaardynacyjnuju radu ad abjadnańnia «Salidarnaść». Ale nieŭzabavie vyśvietliłasia, što ŭ 2017 hodzie čałaviek z takim ža imiem i proźviščam napisaŭ danos u KDB na Mikałaja Aŭtuchoviča.
Tady siabroŭstva Bialucina ŭ partyi «Narodnaja hramada» było spynienaje. Taksama jon byŭ vyklučany sa śpisu kandydataŭ u KR.
Ciapier adbyŭsia praciah historyi. Pavodle žonki, mužčyna žyŭ u Vilni, ale niekalki miesiacaŭ tamu Litva abviaściła jaho pahrozaj nacyjanalnaj biaśpiecy. Tady jon źjechaŭ adtul «u Jeŭropu, šukać pracu».
I voś — źnik.
Ciapier čytajuć
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj4
Kamientary
Vašyja artykuły pa temie tolki nahaniajuć strachu i niedavieru da navakolnych ludziej.
Raźjadnoŭvajuć.
Kali raniej ja moh padumać, što treba abjadnoŭvacca, kab zmahacca z režymam, to ciapier ja nie baču takoj mažlivaści, bo paŭsiul sieksoty mohuć być...
Zastajecca tolki zacichnuć i moŭčki spadziavacca, što nie voźmucca za mianie i blizkich, bo što my možam u adkaz?
Apuścić vočy i maŭčać.
Kaniečnie, sieksoty byli, jość i buduć!
Čamu ž nie? Na žal zdarajecca.
Dyk što, nie žyć?
Taho i chočuć vorahi, kab usie miž saboju hryźlisia i bajalisia adno adnaho.
"ahientura ... ahientura...."
Paźniak dla taho i razhaniaje, kab usim žachu nahnać dy siabie niejak pryhoža padnieści, ale tyja namahańni ŭžo śmiešnyja.