«Narodnaja hramada» adreahavała na apubličvańnie danosčykaŭ u šerahach partyi
Paśla źlivu bazy zvarotaŭ u KDB u joj znajšli danosy, padpisanyja niekatorymi z udzielnikaŭ apazicyi. Tak, zvaroty byli ad imia Paŭła Bialucina i Volhi Ciškievič. Partyja «Narodnaja hramada», čyimi čalcami jany byli, vystupiła sa zvarotam.
«Z metaj abarony svajho imia sacyjał-demakratyčnaja partyja «Narodnaja hramada» pryniała rašeńnie vieryfikavać usich svaich siabroŭ, pierš za ŭsio kiraŭnictva partyi i aktyvistaŭ. Na siońnia ŭ adkrytym dostupie znachodziacca danyja na dvuch čałaviek.
Heta Pavał Bialucin i Volha Ciškievič. Ich siabroŭstva ŭ partyi prypyniena, jany taksama vydalenyja z usich pracoŭnych čataŭ partyi, im admoŭlena ŭ dostupie da partyjnaj infarmacyi.
Kiraŭnictvam partyi nakiravanyja zvaroty na imia Kaardynacyjnaj rady ab vyklučeńni hetych asob sa śpisu kandydataŭ u Kaardynacyjnuju radu III sklikańnia. Partyja «Narodnaja hramada» pakul adzinaja, chto źviarnuŭsia z takoj zajavaj, i my ščyra spadziajemsia, što inšyja kandydaty voźmuć z nas prykład u vypadku, kali ich čalcy stanuć fihurantami rezanansnych spraŭ.
My budziem dalej praciahvać vieryfikacyju, adnak nie budziem daviarać tolki kibierpartyzanam. U našym rasparadžeńni dastatkova resursaŭ dla poŭnamaštabnaj pravierki. Taksama ludzi, čyjo siabroŭstva ŭ partyi časova prypyniena, mohuć znoŭ viarnucca ŭ kamandu pry ŭmovie paśpiachovaha prachodžańnia dadatkovaj pravierki i źniaćcia abvinavačvańniaŭ.
My nie niasiem adkaznaści za publikacyi ŭ ŚMI, pakolki my nie dajem im infarmacyju. My viadziem svaju pracu prazrysta i infarmujem hramadstva tolki ad imia kamandy Mikałaja Statkieviča i partyi «Narodnaja hramada».
Adnačasova zaklikajem niezaležnyja infarmacyjnyja resursy ŭstrymacca ad ckavańnia tych, chto zaraz źjaŭlajecca fihurantam u śpisach kibierpartyzanaŭ. Ich vina nie dakazanaja! Jany majuć prava na abaronu svaich pravoŭ! Nie ŭpadablajciesia łukašysckim «sudździam», jakija bieź śledstva vynosiać prysudy. My nie viedajem, pry jakich abstavinach byli zroblenyja hetyja «danosy» i ci zroblenyja vyšej zaznačanymi asobami, ale viedajem, jaki cisk byŭ i dalej adbyvajecca na aktyvistaŭ!» — pišacca ŭ zvarocie.
Partyja dadała, što nie daje kamientaroŭ ŚMI da vyśviatleńnia ŭsich abstavin.
U apubličanych danosach u KDB, padpisanych Ciškievič i Bialucinym, ich aŭtary prasili pravieści pravierku pa Eduardzie Palčysie i Mikałai Aŭtuchoviču.
Kamientary
Čto vy niesiotie?? Kakije riesursy? Niet nikakich riesursov! Jeśli by nie riebiata, tak i sidieli by na ..pie rovno dalšie.
"Ich vina nie dakazana! Jany majuć prava na abaronu svaich pravoŭ!" - piša partyja. A chto nie zhodzien, toj łukašyst.
"My nie viedajem pry jakich abstavinach byli zroblenyja hetyja «danosy» i ci zrobleny vyšej zaznačynymi asobami". Nu jak nie viedajem? Aktyvistka "Narodnaj hramady" užo skazała, što pisaŭ susied, u jakoha jaje kamputar, jaki ŭ susieda nie mieńš za 5 miesiacaŭ stajaŭ, bo pa časie roźnica pamiž danosami - 5 miesiacaŭ.
"Ale viedajem jaki cisk byŭ i dalej adbyvajecca na aktyvistaŭ!» — pišacca ŭ zvarocie. Cisk byŭ i jość, ale pad jakim takim ciskam čałaviek budzie tajemna pisać zvarot na sajt KDB, pra jaki (pakul kibierpartyzany nie ŭzłamali bazu zvarotaŭ), nichto nie moh viedać?
I čamu hetyja asoby, ziechaŭšy ŭ biaśpiečnyja krainy nie raspaviali, što ich prymusili, pad ciskam? A cichieńka maŭčać pra svaje danosy?