Стукач з «Грамады», які летась спрабаваў пралезці ў Каардынацыйную раду, паехаў у Польшчу і прапаў
Паўла Бялюціна выключылі з партыі, калі выпадкова выкрылася, што ён у канцы 2010-х пісаў у КДБ данос на Міколу Аўтуховіча. Цяпер жа ён знік у Польшчы.
Беларус, якога падазравалі ў сувязі з КДБ, знік у Польшчы. Жонка Паўла Бялюціна кажа, што апошні раз ён выходзіў на сувязь два тыдні таму, паведамляе «Еўрарадыё».
У 2022 годзе Павел Бялюцін быў прысуджаны ў Беларусі да «хатняй хіміі» за абразу прадстаўніка ўлады. Напачатку 2024 года ён удзельнічаў у выбарах у Каардынацыйную раду ад аб'яднання «Салідарнасць». Але неўзабаве высветлілася, што ў 2017 годзе чалавек з такім жа імем і прозвішчам напісаў данос у КДБ на Мікалая Аўтуховіча.
Тады сяброўства Бялюціна ў партыі «Народная грамада» было спыненае. Таксама ён быў выключаны са спісу кандыдатаў у КР.
Цяпер адбыўся працяг гісторыі. Паводле жонкі, мужчына жыў у Вільні, але некалькі месяцаў таму Літва абвясціла яго пагрозай нацыянальнай бяспецы. Тады ён з'ехаў адтуль «у Еўропу, шукаць працу».
І вось — знік.
Брат беларускай каралевы прыгажосці трапіў у рэанімацыю ў Азербайджане4
Каментары
Вашыя артыкулы па тэме толькі наганяюць страху і недаверу да навакольных людзей.
Раз'ядноўваюць.
Калі раней я мог падумаць, што трэба аб'ядноўвацца, каб змагацца з рэжымам, то цяпер я не бачу такой мажлівасці, бо паўсюль сексоты могуць быць...
Застаецца толькі заціхнуць і моўчкі спадзявацца, што не возьмуцца за мяне і блізкіх, бо што мы можам у адказ?
Апусціць вочы і маўчаць.
Канечне, сексоты былі, ёсць і будуць!
Чаму ж не? На жаль здараецца.
Дык што, не жыць?
Таго і хочуць ворагі, каб усе між сабою грызліся і баяліся адно аднаго.
"агентура ... агентура...."
Пазьняк для таго і разганяе, каб усім жаху нагнаць ды сябе неяк прыгожа паднесці, але тыя намаганні ўжо смешныя.