«Ozon Biełaruś» paviedamiŭ, što zapuściŭ dla kupcoŭ pasłuhu postapłaty. Ciapier žychary krainy mohuć apłačvać bolšaść tavaraŭ katehoryi Fashion paśla ich prymierki ŭ punktach vydačy zakazaŭ Ozon, piša Blizko.by.
Postapłata ŭžo dastupnaja žycharam Biełarusi i dziejničaje pry zakazie tavaraŭ u punkty vydačy Ozon.
Novaja pasłuha raspaŭsiudžvajecca na tavary sa śpiecyjalnaj paznakaj «Apłata pry atrymańni» i achoplivaje da 80% asartymientu katehoryi Fashion, uklučajučy adzieńnie, abutak i niekatoryja aksesuary: hałaŭnyja ŭbory, palčatki, ramiani, halštuki, žanočyja sumki, mužčynskija kłatčy i inšyja tavary. Usiaho postapłata raspaŭsiudžvajecca na bolš za 15 miljonaŭ tavaraŭ.
Kab skarystacca z postapłaty, pry afarmleńni zakazu žycharam Biełarusi treba vybrać sposab apłaty «Apłacić paśla atrymańnia» i paznačyć bankaŭskuju kartku: srodki buduć śpisanyja tolki paśla paćviardžeńnia vykupu tavaru ŭ punkcie vydačy Ozon.
Kali ŭ zakazie prysutničajuć tavary z katehoryi postapłaty i inšyja tavary, to jany apłačvajucca asobna: košt tavaraŭ ź pieradapłatnaj sistemaj śpišacca adrazu, a z pastopłatny — paśla atrymańnia zakazu.
Ahulny košt tavaraŭ, jakija možna apłacić pry atrymańni, zaležyć ad historyi ŭzajemadziejańnia kupca z markietpłejsam. Bazavy limit postapłaty składaje 800 rubloŭ i pavialičvajecca z kožnym vykuplenym zakazam.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary