U minskim handlovym centry ludzi vystrailisia ŭ čerhi pa viciebskija dyvany
U tyktoku apublikavali rolik, dzie pakazali natoŭpy ludziej u kramie adnaho minskaha handlovaha centra. Tam ciapier akcyja, i nie na pradukty charčavańnia, a na dyvany. Kamientatary padzialilisia vopytam «šturmu» handlovaha punktu, zaŭvažyŭ Telegraf.news.
«Što dziejecca ŭ «Viciebskich dyvanach», tudy strašna zachodzić! Tam čarha, voś heta ŭsio čarha, ludzi stajać z dyvanami», — padzialiłasia aŭtarka rolika.
Heta krama vytvorcy ŭ minskim HC «Pieršy nacyjanalny handlovy dom». Na dyvany tam ciapier roznyja źnižki: možna kupić ich i za 21 rubiel, i za 29, i za 33, i za 41 (u zaležnaści ad pamieru i inšych charaktarystyk tavaru).
«Ja była siońnia tam u abied, užo amal ničoha nie było, akcyjnych niama dyvanoŭ», — raskazała adna kamientatarka, dadaŭšy, što akcyja praciahniecca da 13 krasavika.
«Na Ozon hetyja samyja dyvany tańniej! Siońnia tam była, vielmi ciažka niešta vybrać, ludziej nie prapichnucca!» — paskardziłasia inšaja karystalnica tyktoku.
Joj adkazali: «Sumniajusia, što tańniej. I što tam taksama akcyi na 50%».
Jašče adna kamientatarka nazvała sumy źnižak: «Źnižki pa fakcie 20-30 rubloŭ na dyvany. Ci varta heta ŭsiaho taho, što tam dziejecca?»
«Vy zvyčajnuju palikliniku vystavili piekłam». Pryvatnaja žanočaja klinika zrabiła virusnuju rekłamu, ale atrymała chvalu chejtu
U minskim teatry lalek raskazali, čamu ŭžo hod nie mohuć zadavolić popyt hledačoŭ na kvitki
«Popyt budzie zadavoleny vielmi chutka». Ihar Šunievič raskazaŭ pra pierśpiektyvy palavańnia na miadźviedzia i ryś
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary