Muravanku Chraptovičaŭ u Ščorsach vystavili na aŭkcyjon. Kolki kaštuje
U ahraharadku Ščorsy Hrodzienskaj vobłaści vystavili na aŭkcyjon haspadarčy dvor siadziby Chraptovičaŭ, adnaho z mahnackich rodaŭ u historyi Biełarusi. Abjavu zaŭvažyŭ Office Life.
Muravanka Chraptovičaŭ — heta kompleks haspadarčych pabudoŭ druhoj pałovy XIX stahodździa.
Kupić možna vietlakarniu, cialatnik, karoŭnik, śviran i inšyja abjekty ahulnaj płoščaj bolš za 1,5 tysiač kvadratnych mietraŭ.
Startavaja cana łota — amal 297,7 tysiač rubloŭ. Aŭkcyjon zapłanavany na 16 červienia.
Pieramožca aŭkcyjonu atrymaje ŭ arendu na 50 hadoŭ ziamielny ŭčastak historyka-kulturnaha pryznačeńnia płoščaj kala 6,4 ha. Jaho možna budzie vykarystoŭvać dla raźmiaščeńnia žyłoj, administracyjnaj, handlovaj ci inšaj zabudovy na padstavie navukovaj dziejnaści, uzhodnienaj ź Ministerstvam kultury ŭ vypadku źmianieńnia naznačeńnia nieruchomaj majomaści.
U pačatku hoda ŭ Ščorsach pradavali staražytnuju siadzibu Chraptovičaŭ. Za jaje prasili 184 tysiač rubloŭ, ale aŭkcyjon u vyniku nie adbyŭsia.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary