Pad Navahrudkam pradajuć staražytnuju siadzibu XVIII stahodździa. Voś za jakuju sumu možna stać mahnatam
U vioscy Ščorsy Navahrudskaha rajona pradajuć staražytnuju siadzibu Chraptovičaŭ. Dakładniej, tuju častku, što jašče acaleła. Abjava źjaviłasia na aŭkcyjonnaj placoŭcy Biełaruskaj univiersalnaj tavarnaj biržy, piša «Blizka».
Na staroncy abjavy łot nazyvajecca «Budynak nieŭstanoŭlenaha pryznačeńnia». Pry hetym u apisańni skazana tak: «Dvuchpaviarchovy cahlany budynak z butabietonnym sklepam, 1730 hoda pabudovy, ścieny cahlanyja abtynkavanyja, padmurak butabietonny, blašany dach, piačny apał».
Nasamreč, budynak vielmi ŭstalavanaha pryznačeńnia. Hety budynak biblijateki — ucalełaja častka siadziby Chraptovičaŭ. Sam siadzibny dom (pałac) źniščany praktyčna całkam: ad jaho zastalisia tolki padvały. A voś budynak biblijateki z bałkonam na čatyroch kałonach staić da hetaha času.
Kancler Vialikaha Kniastva Litoŭskaha Iachim Chraptovič (1729-1812) sabraŭ bahatuju biblijateku z archivam, usiaho ŭ joj było kala 6 tysiač tamoŭ i staražytnyja rukapisy. Viadoma, što ŭ hetaj biblijatecy pracavali paety Jan Čačot, Uładzisłaŭ Syrakomla, Adam Mickievič. U pryvatnaści, ličycca, što mienavita tut Mickievič raspracavaŭ siužet i pačaŭ rabotu nad paemaj «Hražyna».
Praŭda, historyki ličać, što biblijateka pabudavana nie ŭ 1730 hodzie, a bližej da kanca XVIII stahodździa.
Pačatkovy košt łota — 184 tysiačy rubloŭ, pieršy krok tarhoŭ składaje 9200 rubloŭ. Takim čynam, minimalnaja pradažnaja cana składzie 193200 rubloŭ, abo prykładna 56645 dołaraŭ pa aktualnym kursie Nacbanka.
Tarhi adbuducca 27 lutaha ŭ 10.00.
-
«Byli stalinki, chruščoŭki, a ciapier buduć siamaški». U centry Hrodna sabralisia restaŭravać Dom bytu — prajekt nie ŭsie acanili
-
Tut žyła savieckaja elita. U Minsku pradajecca redkaja kvatera za $720 000
-
«Jak ciapier z hetym žyć?» Biełarusy znajšli na dołaravaj kupiury vyjavu Žłobinskaha rajvykankama
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary