Łukašenka paraŭnaŭ horna-ŭzbahačalny kambinat u Lubanskim rajonie z atamnaj stancyjaj
Alaksandr Łukašenka paraŭnaŭ budaŭnictva horna-ŭzbahačalnaha kompleksu ŭ Lubanskim rajonie z budaŭnictvam AES, Na siońniašni dzień na kambinacie ŭžo viaducca raboty na haryzoncie, pačataja zdabyča rudy, piša BiełTA.
Fota: BiełTA
Prajektam praduhledžana budaŭnictva na fabrycy dźviuch linij mahutnaściu pa 1 młn ton kožnaja. Tut buduć vyrablacca jakasnyja kalijnyja ŭhnajeńni. Heta tak zvany bieły kalij, jaki zdabyvajecca z solaŭ. Dadzieny pradukt karystajecca vysokim popytam na suśvietnym rynku. U asnoŭnym ekspart płanujecca ŭ Kitaj.
«Kali my možam pahłyblacca, treba praciahvać budaŭnictva. Usio, što nam patrebna, treba rabić», — daručyŭ Łukašenka i taksama znoŭ uźniaŭ temu adkidaŭ: «Treba dumać, što rabić z hetymi adchodami. U Salihorsku i tut. Nam treba pryniać niejkaje rašeńnie pa hetym pytańni. Treba dumać, što my budziem rabić z hetymi adkidami. Abaviazkova».
Łukašenka taksama skazaŭ, što tut treba budavać sučasnaje žyllo, sacyjalnyja abjekty pa prykładzie Astraŭca, dzie pabudavana BiełAES.
«Abjekt pabudavany. Ludzi patrebnyja. Pad heta my budujem sacyjalnuju infrastrukturu. Dla ludziej budziem rabić usio. Mienavita pad vytvorčaść. Vytvorčaść, žyllo, usia sacyjalnaja infrastruktura. Tady budzie tołk u krainie», — padkreśliŭ jon.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia65
Kamientary